Muambi 12:7 - MUKANDA WA MYIDI MUKULU

⁷ Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ nunku mubidi newandamuke dinfuenkenya dia buloba kabidi ne muhuya wa muoyo neuhingane kudi Nzambi wakaufila.

Muambi 12:7 交叉引用

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Misambu 146:4

Padibu bafua, badi babajika, malu avuabu bapangadika mua kuenza adi ajimina bu bobu.

Zekâya 12:1

Maweja-Nangila mmutume mukenji udi utangila bena Izrayele. Maweja-Nangila uvua mubalule diulu, muteke buloba pa bitaku biabu, mupeshe muntu mueyelu ne muoyi, udi wamba ne:

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Yeshaya 57:16

Bualu tshiena ntandisha bantu banyi, tshiena mbafikila munda kashidi. Tshianana bantu banyi bonsu bandi mufuke, nebajimine kashidi.

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Misambu 90:3

Udi upingaja bantu mu lupuishi, ubambila ne: “Pinganayi kunudi bafuma.”

Yobe 20:11

Uvua mudiumvue ne bukole bu nsongalume. Kadi bionsu abi nebiye nende mu lukita.

Dibadika 27:16

— Maweja-Nangila Mvidi Mukulu, wewe ke udi mufuke bintu bionsu ebi, ubipesha muoyi. Nanku usunguile bena Izrayele mfumu mukuabu,

Ebrewu 12:23

Nudi basemena pabuipi ne tshisangilu tshia tshibilu tshia banabute ba Mvidi Mukulu badi ne mena abu mafunda mulu. Nudi basemena pabuipi ne Mvidi Mukulu, mulumbuluishi wa bantu bonsu. Nudi basemena pabuipi ne mieyelu ya bantu batata benze bidi Mvidi Mukulu musue, bafike ku bujima buabu.

Ebrewu 12:9

Tuvuluke batatuetu ba pa buloba! Bavua batunyoka, tuetu kubanemeka. Nenku tudi ne bua kutumikila Tatu wetu wa mu diulu bipitshidile, bua tuikale ne muoyi.

Yirmeya 38:16

Kadi mukalenga kuditshipa kudi Yirmeya, bobu bikale amu babidi, wamba ne: — Bu mudi Maweja-Nangila ne muoyi, mutupe kabidi muoyi, ndi nditshipa ne: tshiena mua kukushipesha, nansha kukufila kudi bantu aba badi bajinga lufu luebe to.

Genese 18:27

Abrahame kuamba kabidi ne: — Ndi nkolesha muoyi bua kuakula ne Maweja-Nangila wanyi, nansha bu mundi muikale muntu tshianana, tshintu tshia lupitapita.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Luke 23:46

Yezu kuela diyi dikole ne: — Tatu, ndi nteka muoyi wanyi mu bianza biebe. Yeye mumane kuamba miaku eyi, kukulaye muoyi.

Bienzedi 7:59

Pavuabu bamuasa mabue apu, Stefane uvua utendelela Mvidi Mukulu, wamba ne: — Mfumu Yezu, angata muoyi wanyi!

Misambu 103:14

Yeye udi mumanye tshitudi, udi uvuluka ne tudi bafuka ne lupuishi.

Misambu 104:29

Paudi usokoka mpala webe, bidi bitshina, paudi ubinyenga mueyelu, bidi bifua, bipingana lupuishi kabidi.

Misambu 31:6

Maweja-Nangila, ndi nteka muoyi wanyi mu bianza biebe. Neumpandishe, bualu wewe Mvidi Mukulu, udi ukumbaja biuvua mulaye.