Muambi 12:11 - MUKANDA WA MYIDI MUKULU

¹¹ Bualu miaku ya bantu ba meji idi bu misongolu idi balami baludika nayi mikoku, idi bu ndami idi isuikakaja malu adi muntu mumanye. Miaku eyi mmifume kudi Mvidi Mukulu. Yeye udi mulami umuepele buetu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mei a bena meji adi bu misongolo; adi masangishibue bu misumadi mikumine bikole kudi mulami umue.

Muambi 12:11 交叉引用

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

Bienzedi 2:37

Bantu bumvua miaku eyi, kulubakanabu bikole. Kukonkabu Petro ne bapostolu bakuabu ne: — Kadi, bana betu, tshitudi ne bua kuenza ntshinyi?

Yezekiyele 34:23

Nenteke muntu anu umue bua kuikalaye mulami wa mikoku yanyi. Yeye neayilame bimpe bu muvua Davide wanyi wenza.

Yirmeya 23:29

Numanye ne: muaku wanyi udi bu kapia, bu nyindu mukole, udi uzaza lubuebue.

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

Yowanane 3:10

Yezu kumuandamuna ne: — Wewe udi mulongeshi wa bena Izrayele, udi mumanyike bikole, muudi kuyi mumanye malu aa mbishi?

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Nsumuinu 22:17

Teleja umvua bimpe, ndi nkumanyisha miaku mimpe ya bena meji. Uvuluke mu muoyi webe malu andi nkuambila.

Nsumuinu 1:6

Nebajingulule mianu ne malu masokome bia bantu badi balongesha mudi meji.

Yowanane 10:14

Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Yeshaya 22:23

Nemmushindike muaba mukole, bu mudibu basa mulonda. Bana babu bonsu nebapete lumu kudiye.”

Misambu 80:1

Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

Misambu 23:1

Musambu wa mu mukanda wa misambu ya Davide. Maweja-Nangila, ke wanyi mundami. Nanku tshiakukenga tshintu.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Ezela 9:8

Kadi Maweja-Nangila Mvidi Mukulu wetu, matuku makese aa, udi mutuleje muudi mutunange. Uvua muanyishe bua bana betu bavua bashale ne muoyi, bapingane mu buloba buebe bua tshijila. Nanku, bua luse luebe, Mvidi Mukulu wetu, mesu etu adi aleja tshiakabidi disanka. Tudi Nsanguluka kakese mu dikenga ditudi nadi.

Genese 49:24

Kadi Yozefe udi ukuata buta bikole. Maboku ende ne bianza kabiena bipungila. Udi umukolesha ke Mvidi Mukulu wa Yakobe, muena bukole buonsu, Mulami wa bena Izrayele, dibue didibu beyemina.

Muambi 7:5

Mbimpe kuteleja muntu wa meji udi ukudiwula pa mutu ka kuteleja muntu mupote udi ukutua makumbu.

Muambi 10:12

Padi muntu wa meji wakula, bantu badi basanka. Padi muntu mutshimbakane wakula, bantu badi badiwula.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.