Muambi 11:5 - MUKANDA WA MYIDI MUKULU

⁵ Kuena mumanye mudi muana ukola munda mua mamuende. Nenku kuena mua kumanya mudi Mvidi Mukulu ukuata mudimu, bualu yeye ke udi wenza bionsu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bu mûdi kuyi mumanye mudi luhehele luheha, bu mûdi kuyi mumanye mudi mifuba idiunda munda mua mukashi udi ne difu, nunku kuena mumanye mudimu wa Nzambi udi wenza malu onso.

Muambi 11:5 交叉引用

Yowanane 3:8

Lupepele ludi lutuuta kudilu lusue. Udi umvua tshiona tshialu. Kadi kuena mumanye kudilu lufuma, nansha kudilu luya. Ke mudibi bienzekela muntu yonsu udibu balela kudi Mueyelu wa Tshijila.

Misambu 92:5

Maweja-Nangila, malu audi muenze, adi manguwule munda tente ne disanka, ndi nganyisha biudi muenze.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Yeshaya 40:28

Kuena mumanye anyi? Kuena mumvue bamba ne: Maweja-Nangila udi Mvidi Mukulu wa tshiendelele. Uvua mufuke buloba bujima. Katshia kena uteketa, kena upungila. Meji ende kabena mua kuajingulula.

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Muambi 7:24

Malu a panu adi mapite bungi, kabidi makole! Waatandula nnganyi?

Misambu 40:5

Muntu udi utekemena kudi Maweja-Nangila, kayi ubuelakana ne benji ba bibi, nansha ne bena dishima, mmuena diakalenga.

Yobe 38:4

Diba dimvua mufuke buloba uvua penyi? Neudi mumanye ngambile tumone?

Yobe 37:23

Mvidi Mukulu mmuena bukole buonsu. Katuena mua kusemena pabuipi nende. Udi munene. Bidiye wenza bionsu bidi bimpe. Kena ukengesha muntu. Tshidiye ne bua kutuambila ntshinyi?

Yobe 5:9

Yeye ke udi wenza malu manene, adi muntu kayi mua kujingulula. Udi wenza bishima bungi kabuyi kubala.

Muambi 1:6

Lupepele ludi lututa lutua eku, lutua kuaka. Ludi lututa, lunyunguluka, pashishe lubangulula tshiakabidi.

Muambi 1:13

Meme kukenketa ne muoyi wanyi mujima, malu adi enza mu bantu, bua mmone mua kuajingulula. Kadi ebi bidi amu mudimu wa lutatu udi Mvidi Mukulu wenzeja bantu!

Muambi 3:10

Mvua mutangile midimu mikole idi Mvidi Mukulu mupeshe bantu.

Muambi 3:11

Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Muambi 11:4

Muntu udi utshina lupepele ne mvula, kena ukuna nansha unowa bia pa madimi.