Muambi 11:10 - MUKANDA WA MYIDI MUKULU

¹⁰ Umbusha mu muoyi webe malu onsu adi akubungamija, kabidi mu mubidi webe bionsu bidi bikusankisha. Bualu bunsonga ne bukole bidi bijimina lukasa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Umushe kanyinganyinga mu mutshima webe ne malu mabi a mubidi webe; bualu bua bikondo bia buana ne bunsongalume bidi hatuhu.

Muambi 11:10 交叉引用

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

Muambi 12:1

Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

Muambi 1:14

Meme kumona bionsu bidi bienzeka pa buloba. Bionsu ebi bidi patupu, bidi amu bu kuipatangana ne lupepele.

Muambi 1:2

Muambi udi wamba ne: malu onsu adi tshianana menemene. Malu onsu adi apita patupu. Kaena ne mushinga.

Misambu 39:5

Maweja-Nangila, nemfue diba kaayi? Nenshale kabidi ne muoyi matuku bungi munyi? Ungandamune bua mmanye matuku autshidi muntapile.

Yobe 20:11

Uvua mudiumvue ne bukole bu nsongalume. Kadi bionsu abi nebiye nende mu lukita.

Yobe 13:26

Udi ungasa bilumbu bikole be. Udi unnyoka nansha bua bilema bia ku buana.

Misambu 25:7

Nanku, kuvuluki bilema bianyi bia ku buana, nansha ntupakanyi yanyi. Kadi Maweja-Nangila, kumpu muoyi, bualu udi munnange. Ndi ntekemena luse luebe.

Nsumuinu 22:15

Bupale budi munda mua nsongalume. Nkodi idi imupandisha ku njiwu eyi.

Yobe 11:12

Kadi muntu wa tshidingidingi neapete lungenyi, anu dituku didi nyama wa mpunde wa muitu, uvua mpunde wa pambelu.

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.