Muambi 10:6 - MUKANDA WA MYIDI MUKULU

⁶ Muntu mutshimbakane misangu mikuabu udi upeta muanzu munene. Kadi bena biuma badi bashala kabayi mianzu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ malu mahote adi atumbishibua bikole, kadi babanji badi bashikame mu miaba mihuekele.

Muambi 10:6 交叉引用

Nsumuinu 28:12

Padi bantu badi batshina Mvidi Mukulu bikale ne bumfumu mu bianza, bantu bonsu badi ne disanka. Kadi padi bantu babi babuangata, bantu bonsu badi basokoma.

Nsumuinu 29:2

Padi bantu badi bitaba Mvidi Mukulu bavule, bantu badi ne disanka. Kadi muntu wa tshikisu yeye muangate bumfumu, bantu bonsu badi batua mikemu.

Misambu 12:8

Maweja-Nangila, wewe ke udi ukumbaja biudi ulaya. Bantu badi bakubenga badi bendakana miaba yonsu, bubi budi buvulangana mu bantu. Kadi utuepule bua katubuelakanyi ne bantu babi aba.

Estere 3:1

Matuku makese mamane kupita, mukalenga Ahashaveroshe kubandisha Amane, muana wa Amedata, wa ku ndelanganyi ya Agaje, muanzu wa mulombodi wa kumpala mu ditunga.

Nsumuinu 28:28

Padi bantu babi babuela mu bukalenga, bantu bonsu badi basokoma. Kadi diba didibu babumusha, bantu bakane ba bungi badi badileja.

Estere 3:5

Amane mumane kujadika muvua Mordekayi mubengelemu bua kumutuila binu ne kuinyika mutu kumpala kuende, kufikaye munda bikole.

Nsumuinu 19:10

Muntu mutatakane katshia ki mmusombe mu bubanji. Mupika katshia ki mmutumine bamfumu diyi.

Muambi 10:5

Nenku kudi tshilema tshindi mumone pa buloba, tshidi bamfumu benza.