Muambi 1:15 - MUKANDA WA MYIDI MUKULU

¹⁵ Bualu tshidi tshinyongoboke, kabena mua kutshilulamija. Bintu bidi kabiyiku, kabena mua kutabala.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Tshidi tshikonyangala, kabena mua kutshiludika kahidi; tshintu tshidi katshiyihu, kabena mua kutshibala.

Muambi 1:15 交叉引用

Yeshaya 40:4

Bajibikile mpongu yonsu. Mikuna minene ne mikese, bayipuekeshe! Mikuna ikale bu mpata. Bidi kulu bilandakane, bienza bibanda.

Muambi 3:14

Mvua mujingulule ne bionsu bidi Mvidi Mukulu muenze, kabiena biandamuka to. Kakuena tshidibu mua kusakidila nansha kumusha. Mvidi Mukulu udi wenza nanku bua bantu bamunemeke.

Matayi 6:27

Munkatshi muenu udi mua kuditatshisha, kusakidila dituku ku matuku ende a panu nnganyi?

Muadi 3:37

Nganyi udi mua kutuma diyi musangu amu umue, bualu kuenzekabu? Amu Maweja-Nangila ke udi wenza nanku.

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Yobe 11:6

Bu yeye mua kukuleja mushindu udiye ukuata mudimu ne meji mu musokoku, mudimu utudi tuetu bantu katuyi mua kujingulula, nanku diba adi uvua mua kujingulula ne: Mvidi Mukulu udi ulengulula bilema biebe bia bungi.

Muambi 7:25

Nenku meme kutuadija kulonga malu, meme kukeba mua kujingulula bidi panu. Mvua musue kujingulula tshidibu babikila meji. Mvua mukebe bua bandamune ku nkonku imvua nayi pa malu onsu adi enzeka! Meme kumona ne: kuikala muntu mubi, nansha mupote, mbupale.

Yirmeya 13:23

Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.