Muambi 1:14 - MUKANDA WA MYIDI MUKULU

¹⁴ Meme kumona bionsu bidi bienzeka pa buloba. Bionsu ebi bidi patupu, bidi amu bu kuipatangana ne lupepele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nakatangila malu onso adi menjibue muinshi mua diba; monai, malu au onso adi hatuhu, adi bu kuihata kua luhehele.

Muambi 1:14 交叉引用

Muambi 2:11

Kadi diba adi mvua mutangile midimu yanyi yonsu ne ntatu imvua mupete pa kuyikuata. Nanku meme kumona ne: bionsu bidi patupu, bidi amu bu kuipatangana tshianana ne lupepele. Kakuena bua nsongu budi bantu bapeta panu to.

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Muambi 2:17

Nanku bia panu bivua bintonde. Ke meme kudiwula malu onsu adi bantu benza muinshi mua diba, bualu adi a tshianana, adi bu kuipatangana ne lupepele.

Muambi 6:9

Bidi bimpe kusanka ne biudi nabi pa muntu pa kukeba bikuabu bia mishindu yonsu, bualu abi bidi kabidi patupu bu kuipatangana ne lupepele.

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Muambi 4:16

Bantu ba bungi badi bamulonda. Kadi yeye mumane kufua bantu kabakumuela kabidi tuasakidila bua bivuaye muenze nansha. Nanku ebi bionsu kabidi, bidi amu tshianana, bidi bu kuipatangana ne lupepele.

Muambi 8:16

Mvua muenze muanyi muonsu bua kumanya mudi muntu mua kupeta meji. Mvua njooja kabidi midimu idi bantu bakuata pa buloba. Meme kumona ne: nansha tuetu bashale ne tshitabela munya ne butuku, katuena mua kumanya mudi Mvidi Mukulu upita ne malu onsu adi amueneka pa buloba to. Nansha tuetu bakeba bapungila, katuakumanya mudi Mvidi Mukulu ukuata mudimu. Muntu wa meji udi wamba ne: meme ndi mumanye, udi udidinga.

Muambi 3:19

Bualu ndekelu wa muntu udi amu wa momumue ne wa nyama. Mudi muntu ne mueyelu, nyama udi nawu. Bionsu bibidi bidi ne bua kufua momumue. Muntu kena mupite nyama ku tshintu nansha tshimue to, bualu ku ndekelu bionsu bidi tshianana.

Muambi 4:6

Kadi bidi bipite buimpe kuanji kuikisha pa mutu pa kukuata tshidimudimu katshiyi ne bua nsongu.

Muambi 12:8

Muambi udi wamba ne: Malu onsu adi tshianana, adi patupu, kaayi atupetesha tshintu.