Muadi 5:7 - MUKANDA WA MYIDI MUKULU

⁷ Bankambua betu bavua benza bibi, mbamane kufua. Kadi tuetu ke badi bambule bujitu bua malu abu mabi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Batatuʼetu bakenza malu mabi, kabenaku kabidi; ne tuetu tuakuhiana mibi yabo.

Muadi 5:7 交叉引用

Yirmeya 31:29

Nanku, muntu nansha umue kakuela lusumuinu lua ne: “Bavua badie tumuma tua mvinyo tua buanji mbaledi, kadi bana kumvua buanji ku menu.”

Yirmeya 16:12

Nuenu kabidi nudi nuenza malu mabi mapite, avua baledi benu kabayi benza. Yonsu wa kunudi udi unanukila kuenza anu malu mabi ne muoyi mubi wa tshitunu. Muntu nansha umue kena uteleja tshindi ngamba.

Yezekiyele 18:2

— Mmunyi munudi nuela kasumuinu mu ditunga dia Izrayele, nuamba nuambulula ne: Baledi bakadia tumuma tubishi, bana kumvua buanji ku menu.

Yirmeya 14:20

Maweja-Nangila tudi bamanye ne: tudi benze bibi. Tudi bamanye malu mabi avua baledi betu benze. Tudi bakuenzele bibi. Tudi bena tshibawu.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Yirmeya 31:15

Maweja-Nangila udi wamba ne: Umvuayi mudibu badila muadi mu Rama, bela miyenga mikole. Rakele ke udi udila bana bende. Kena musue bua bantu bamusambe, bualu mmujimije bana bende.

Genese 42:36

Tatuabu Yakobe kubambila ne: — Nuambutuidi bana banyi babidi: Yozefe kufua, Shimeyone kenaku! Mpindiewu nudi basue kuya kabidi ne Binyamine. Anu meme nkayanyi makenga bungi nunku!

Zekâya 1:5

Bankambua benu mbamane kufua. Bambi kabidi kabena bashala panu ne muoyi tshiendelele.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Yobe 7:8

Wewe udi undama, kuena ummona kabidi to. Mesu ebe neankebe, kadi tshiakuikalapu kabidi nansha.

Genese 42:13

Bobu bavua bamuambila amu kumuambila ne: — Kabiena nanku nansha kakese. Tuetu tudi tufuma mu ditunga dia Kenaane. Tuvua bana dikumi ne babidi ba tatu umue. Muakunyetu wa mukala mmushale kudi tatu. Kadi muakunyetu mukuabu ukadi mumane kufua.

Dibadika 14:18

“Meme ndi Maweja-Nangila. Ndi ne luse lua bungi. Tshiena mfika munda lukasa. Ndi mfuila bantu luse bua mibi yabu, ne bua ditomboka diabu. Kadi tshiena mbingisha muntu udi mupile. Ndi nnyoka muana wa ku ndelanganyi misatu nansha minayi bua mibi ya baledi bende.”

Yirmeya 16:11

Wewe ubandamune ne: “Maweja-Nangila udi wamba ne: bualu baledi benu bavua bambenge, balamate ku mvidie ya bantu ba bisamba bikuabu. Bavua bayitendelela, bayifuila binu panshi. Kabavua bamvuluke, kabavua balame mikenji yanyi.

Yezekiyele 16:58

Ke muudi ufuta tshibawu tshia malu ebe a bundu andi mbenga. Meme Maweja-Nangila Mvidi Mukulu, ndi njadika bualu ebu.