Muadi 4:22 - MUKANDA WA MYIDI MUKULU

²² Nuenu bena Siyone, tshibawu tshienu tshionsu ntshijike. Kabena baya nenu kabidi mu ditunga dia bende nansha. Kadi nuenu, bena Edome, Maweja-Nangila neanunyoke bua bilema bienu, neasokolole malu enu mabi.

Mukanda wa Nzambi Dihungila Dikulukulu ne Dihungila Dihia-dihia 2003

²² Wewe muana mukashi wa Siona, dikenga diebe bua bubi diakushika, kabena baya nʼebe mu buhika kabidi. Kadi wewe muana mukashi wa Edome, nebakukengeshe bua bubi buebe; nebasokolole malu mabi ebe.

Muadi 4:22 交叉引用

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yirmeya 50:20

Meme Maweja-Nangila ndi ngamba ne: Tshikondu atshi, bantu nebakebe bilema bidi bena Izrayele nabi. Kadi kabakubisangana to. Nebakebe tshilema tshia bena Yuda, kadi kabakumona nansha tshimue to. Bualu bantu bandi mushiye ne muoyi, nembafuile luse.

Misambu 137:7

Maweja-Nangila, kupangi kuvuluka malu avua bena Edome benze, dituku divuabu bakuate Yerushalayime: bavua bela mbila ne: “Butulayi tshimenga, tshibutulayi ne ku bitaku biatshi!”

Malaki 1:4

Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”

Yezekiyele 37:28

Bisamba bikuabu nebimanye ne: ndi Maweja-Nangila, ndi mujidile bena Izrayele bua bangenzele mudimu. Bualu nzubu wanyi neikale munkatshi muenu kashidi.”

Muadi 4:21

Nusanke, nutshionkomoke nuenu bena Edome, nuenu badi basomba mu ditunga dia Use! Kadi dikopu dia tshiji nedifike kunudi nuenu kabidi! Nenudinue! Nedinukuate! Nenusombe butaka!

Muadi 4:6

Bubi bua tshisamba tshianyi mbupite bua bena tshimenga tshia Sodome, tshivuabu babutule diakamue, kakuyi bantu basumpakane bua kutshisungidila.

Yirmeya 33:8

Netubambile bonsu ne: tshiena mvuluka bilema bionsu binuvua bangenzele. Nansha nuenu bantombokele, ndi nnufuila luse.

Yirmeya 32:40

Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.

Yeshaya 60:18

Mu ditunga diebe, kabakumvua kabidi mutoyi wa mvita to. Munda mua ditunga diebe kamuena kabidi kabutu nansha tshinyangu. Kadi newinyike bimana biebe dina ne: “Lupandu”, ne biibi biebe ne: “Lumu lua Mvidi Mukulu”.

Yeshaya 52:1

Wewe Yerushalayime, jukaku, kankamana, fululuka lukasa. Wewe Siyone, tshimenga tshia tshijila, vuala bilamba biebe bilengele. Bualu benyi ne bantu babi, kabena babuela kabidi muebe to.

Yirmeya 33:7

Nensankishe bena Yuda ne bena Izrayele. Nembapingajile diakalenga divuabu nadi kale.

Yirmeya 49:10

Nuenu ndelanganyi ya Esawu, meme Maweja-Nangila nennufile mu bianza bia baluishi benu. Nembaleje muaba unudi kanuyi mua kusokoma kabidi to. Tshisamba tshienu ntshibutuke. Muena mutumba nansha umue kena mua kuamba ne:

Yezekiyele 6:12

Bantu badi mitantshi mile, nebafue ku disama dia tshiambu. Badi pabuipi, nebafue ku mvita. Badi bashale ne muoyi mu tshimenga tshidibu baluisha, nebafue ku nzala. Nembenzele mudi tshiji tshianyi tshingambila.

Malaki 1:3

mudiwule Esawu. Mvua munyange buloba bua mikuna budibu basombe kudi bena Edome, ndelanganyi ya Esawu. Mvua mufile ditunga diabu kudi mibuabua ya mu tshipela.

Obadya 1:10

“Nuvua baluishe bana benu, ndelanganyi ya Yakobe babashipe, bapawule bintu biabu. Nanku bundu nebunukuate. Nebanubutule kashidi.