Muadi 3:57 - MUKANDA WA MYIDI MUKULU

⁵⁷ Pamvua mukubikile uvua musemene pabuipi nanyi. Wewe kungambila ne: “Kutshinyi nansha.”

Mukanda wa Nzambi Dihungila Dikulukulu ne Dihungila Dihia-dihia 2003

⁵⁷ Wewe wakasemena ha buihi nʼanyi mu dituku dinakukubikila; wakamba ne, Kutshinyi nansha.

Muadi 3:57 交叉引用

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

Yeshaya 58:9

Panuambikila, nennuitabe. Panudi nulomba diambuluisha, nennuambile ne: “Ndi mfika!” Panudi nulekela kukengesha bantu, panudi nubenga kupetula bakuabu, kubafunkuna munu, kubajana,

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Misambu 145:18

Maweja-Nangila udi pabuipi ne bantu badi bamubila, udi pabuipi ne bonsu badi bamubila ne muoyi umue.

Bienzedi 27:24

Kungambilaye ne: “Polu, kutshinyi to. Neumonangane ne Kezare. Bu mudi Mvidi Mukulu mukunange, neakupandishe ne bonsu baudi nabu mu majuwa emu.”

Bienzedi 18:9

Butuku kampanda, Mfumu kuleja Polu malu, umuambila ne: — Kutshinyi. Kadi akula amu kuakula. Kupuwu to.

Yirmeya 1:17

Wewe Yirmeya, kolesha muoyi. Umuka! Uye kubambila bionsu bindi nkuambila bua wewe kubamanyisha. Kabatshinyi to. Wewe mubatshine, meme nenkukuatshishe bowa kumpala kuabu.

Misambu 69:18

Ndi muntu webe, kunsokomi. Ndi mu dikenga dinene, ungitabe lukasa.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

2 Bakalenga 19:6

awu kubambila ne: — Nuye kuambila mukalenga wenu ne: Maweja-Nangila udi wamba ne: “Uvua muteleje muvua balombodi ba bena mvita ba mukalenga wa bena Ashure bampenda. Kadi, kutshinyi bua bionsu bivuabu bakula abi to.

Misambu 138:3

Pamvua mukubikile, uvua munteleje; wewe kumpetesha muoyi mukole ne dikanda.