Muadi 3:53 - MUKANDA WA MYIDI MUKULU

⁵³ Bavua bangele mu tshiina, meme ne muoyi, banteke mabue pambidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵³ Bakungela mu tshina bua kujimisha muoyo wanyi, bakuela mabue ha mutu banyi.

Muadi 3:53 交叉引用

Danyele 6:17

Nanku mukalenga wa bakalenga kutuma diyi, bua bafike ne Daniyele. Kumuelabu mu buina bua nyama ya ntambue. Mukalenga wa bakalenga kuambila Daniyele ne: — Amu Mvidi Mukulu webe uudi utendelela ku dituku ku dituku, ke udi mua kukusungidila.

Yirmeya 38:9

— Mukalenga, bantu aba mbenze bualu bubi, mbele muambi Yirmeya mu tshiina tshia mayi! Neafuemu ne nzala. Kabidi mu tshimenga kamuena diampa nansha dimue.

Yirmeya 38:6

Balombodi banayi ba bena mvita aba kukuatshisha Yirmeya, kumuela mu tshiina tshia mayi tshia Malkiya, mulombodi wa bena mvita. Tshiina atshi tshivua tshiumbula mu lupangu lua bena mvita balami bamukalenga. Kupuekeshabu Yirmeya ku muonji mu tshiina atshi. Mu tshiina amu kamuvua mayi nansha. Kadi muvua amu bitotshi. Yirmeya kubuelamu.

Yirmeya 37:16

Kuelabu Yirmeya mu nzubu wa lukanu wa munda mua buloba. Kushalayemu mutantshi mule.

Matayi 27:66

Nanku kuyabu kulongolola mudimu wa kulama lukita. Kutuabu dibue divua dibuikila lukita tshitampi, kushiyabu basolayi bua balulame.

Matayi 27:60

Pashishe kulongaye tshitalu atshi mu lukita luende lupialupia, luvuaye mumbuishe mu lubuebue. Kubungulujaye dibue dinene bua kubuikila mushiku wa lukita, kuyaye.

Yirmeya 37:20

Yirmeya kuamba kabidi ne: — Mukalenga, ndi nkulomba bua uteleje tshindi nkulomba. Kuntumi tshiakabidi kua Yonatane, mufundi wa mikanda ya mu bukalenga, bualu ndi mua kufuilamu.

Yona 2:1

Maweja-Nangila kutuma mushipa munene. Kuminawu Yona. Kushalaye munda mua mushipa matuku asatu munya ne butuku.

Danyele 6:18

Kutualabu dibue bua kudijibika ku mushiku wa buina. Mukalenga wa bakalenga kutua tshitampi tshiende pa dibue, ne tshia bantu banene ba mu bukalenga buende, bua muntu nansha umue kashintuludi bualu bua Daniyele.