Muadi 2:12 - MUKANDA WA MYIDI MUKULU

¹² Bana badi bakonka mamuabu ne: “Biakudia biepi?” Badi balewuka mu misesu ya mu tshimenga, bu bantu badibu batapa mputa. Badi bakula muoyi mu maboku a mamuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hatshidibo baleuka mu misesu bu mudi muntu udibo bataha mputa wenza, hatshidibo bahuola mioyo yabo mu biadi bia bamamuʼabo, badi bakonka bamamuʼabo ne, Bia kudia ne nvinyo bidi kudi kunyi?

Muadi 2:12 交叉引用

Yezekiyele 30:24

Nemvudije Bukole bua mukalenga wa mu Babilone. Nemmupeshe muele wanyi mu bianza. Mukalenga wa bena Ejipitu undi mutshibule diboku, neatue mikemu, padiye ufua muluishi wende mutangile.

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Yobe 30:16

Mpindiewu nkadi nkeba kufua. Matuku onsu ndi amu mu dikenga.

Misambu 42:4

Butuku ne munya tshianyi tshiakudia ke binsonji. Badi bankonka matuku onsu ne: “Mvidi Mukulu webe udi penyi?”

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Muadi 4:4

Ludimi lua bana ba mu diboku, ludi lulamata mu tshilakalaka, bualu badi bafue ne nyota. Bana batekete badi balomba biakudia. Kakuena muntu udi ubapeshabi nansha.

Yeshaya 51:20

Bana bebe badi basomba panshi mu masangu onsu a njila, kabayi banyunga, kabayi ne bukole. Bavua bu ngulungu ivuabu bakuate mu bukondu. Ke muvua Maweja-Nangila mubanyoke bikole, bua tshiji tshivuaye natshi.

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”