Muadi 2:10 - MUKANDA WA MYIDI MUKULU

¹⁰ Bafidi ba ngenyi ba mu Siyone badi basomba panshi, bapuwa. Badi badiela buloba mu mitu, baluate bilamba bia madilu. Nsongakaji ya mu Yerushalayime idi yenda miname panshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bakulu ba muana mukashi wa Siona badi bashikame hanshi mu buloba bahuwa talalâ; bakudiela buloba mu mitu yabo, bakudiluatshisha ne bilulu bikayabala; mishikankunde ya mu Yelushalema idi inyika mitu yabo hanshi.

Muadi 2:10 交叉引用

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yeshaya 15:3

Mu misesu ya mu bimenga, bantu badi bavuala bilamba bia madilu. Bonsu badi bela miyenga, badila pa mitu ya nzubu, ne mu bisalu.

Amosa 8:3

Meme Maweja-Nangila, ndi njadika ne: dituku dindi mbanyoka, bakaji bimbi ba mu nzubu wa bukalenga, nebadile, bela tusala tua madilu. Bitalu nebikale miaba yonsu, kakuyi udi ubijika. Mu ditunga dijima mudi amu vii vii vii!

Yezekiyele 7:18

Nebavuale bilamba bikayapale. Luzakalu nelubakuate. Bundu budi bumuenekela pa mpala yabu. Nebakungule bonsu mu mitu yabu.

Muadi 3:28

Padi Maweja-Nangila umutumina dikenga, asombe pa nkayende mupuwe talalaa.

Muadi 1:4

Njila idi ifumina ku Siyone idi ne madilu, bualu bantu kabena bafika kabidi ku bibilu bia disanka. Biibi bia Siyone bidi buashi. Batuangaji bende badi batua mikemu. Nsongakaji yende mmibungame. Malu onsu adi mamubipile!

Muadi 1:1

Eyi, monayi tshimenga etshi, tshivua kale ne bantu ba bungi, kabidi ne lumu lunene munkatshi mua bisamba bikuabu, tshidi mpindiewu bu mukaji mukamba! Kale, Yerushalayime uvua mukalenga mukaji, utumina bisamba bikuabu diyi. Lelu bisamba abi mbimukuate ku bupika.

Yeshaya 47:1

Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Yoshua 7:6

Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.

Didimanyisha 18:19

Bavua badiela buloba mu mitu, badila, bela miyenga, bamba ne: “Diakabi kaayi! Dikenga kaayi bunene nanku didi dikuata tshimenga! Bonsu badi ne ntatu enda pa mayi manene, mbaneme ne bubanji bua tshimenga etshi. Kadi kujimijatshi bionsu amu diba dimue!”

Amosa 8:13

Dituku adi nansha bansongalume ne bansongakaji, ba mubidi mukole, ne muimpe kabidi, nebafubidile, bafue nyota.

Amosa 5:13

Tshikondu etshi ntshibi. Ke padi muntu mudimuke upuwa vii.

Yowele 1:8

Asayi muadi, mudi mukaji utshidi nsongakaji wenza mu madilu, udila bayende utshivua umuselelaku!

Yezekiyele 27:31

Bavua babeya nsuki bualu buebe, bavuala bilamba bikayabale. Bavua babungama, bakudila, batua mikemu bikole.

Muadi 5:14

Bakulu ba ditunga kabatshiena basomba mu tshipangu bua kufila lungenyi. Bansongalume mbalekele kuimba nzenze yabu.

Muadi 5:12

Bavua bakuate balombodi ba mu bukalenga babowe. Badi babenga kunemeka bakulu ba ditunga.

Muadi 4:16

Maweja-Nangila nkayende ke uvua mubamuangalaje. Kena musue kubamona kabidi. Kabavua banemeka batuangaji, nansha bantu bakulakaje.

Muadi 4:5

Bavua badia bimpe, bakadi bafua ne nzala mu misesu. Bavua badia bimpe, buukuta misangu yonsu, bakadi bangula bintu bia ku dyala.

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Yeshaya 47:5

Wewe Babilone, somba talalaa, puwa. Sokoma mu miidima, bualu udi mujimije muanzu webe wa “Mukalenga mukaji wa makalenga mangi.”

Yeshaya 36:22

Pashishe, Eliyakime, muana wa Ilkiya, uvua mulombodi wa nzubu wa bukalenga, Shebna, mufundi, ne Yowa, muana wa Ashafe, mufikishi wa malu a mu bukalenga kudi bantu, kupandabu bilamba biabu. Pashishe kupinganabu kudi mukalenga Izkiya. Kumulondelabu bionsu bivuabu bamba kudi mulombodi wa bena mvita, muambuluishi wa mukalenga wa bena Ashure.

2 Samuele 13:19

Nanku kudielaye butu mu mutu, kupanda muntumpu wende muimpe. Kubuikilaye bianza kuisu, kuyaye, wenda udila bikole.

Yeshaya 3:24

Pa mutu pa kununka mupuya muimpe wa manananshi, nebanunke mupuya mubi wa bintu bibole. Pa mutu pa mukaba, nebavuale anu muonji. Pa mutu pa kulukisha nsuki bimpe, nebakungule mu mutu. Pa mutu pa bilamba bilenga, nebavuale bia madilu. Eyowa, bulenga buabu nebuandamuke bundu.

Yezekiyele 27:30

Bavua bakudila, badila muadi wa kanyinganyinga. Bavua badiela lupuishi mu mutu, babunguluka mu butu.

Yona 3:6

Lumu alu kufika kudi mukalenga wa tshimenga tshia Ninive. Yeye kujuka mu nkuasa wende wa bumfumu, kuvula bilamba bia bukalenga, kuluata bilamba bikayapale, kusomba panshi mu butu.