Muadi 1:20 - MUKANDA WA MYIDI MUKULU

²⁰ Maweja-Nangila, tangila bukole bua dikenga dindi nadi, ne bunene bua kanyinganyinga kadi kantonda. Ndi ne dipampakana dikole munda muanyi, bualu mvua mukutombokele bibi. Mu njila, bana banyi kufua ku muele wa mvita. Nansha mu nzubu mudi amu lufu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa, tangila biebe, bualu bua ndi mu ntatu, mutshima wanji udi usama; mutshima wanyi wakunyengabala munda muanyi, bualu bua nakutombokela Nzambi bikole. Ha mbelu muele wa nvita wakubishila bantu lufu, mu nsubu mudi lufu kabidi.

Muadi 1:20 交叉引用

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Yezekiyele 7:15

“Mvita neikale mu misesu. Disama dia tshiambu ne tshiyole tshia nzala nebikale mu nzubu ya bantu. Bantu nebafue ku mvita mu mpata. Mu tshimenga nebafue ku nzala ne ku masama.

Yeshaya 16:11

Ke pandi ndidila bena Mowabe, ne kanyinganyinga, ne muadi bu wa lunzenze. Muoyi wanyi udi ujinga Kire-Erese.

Dielulula 32:25

Nebabashipe ne muele mu misesu. Nebafue ne bowa mu nzubu yabu. Lufu nelubakuate bonsu, bansongalume ne bansongakaji, bakulumpe ne bana.”

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Yobe 30:27

Ndi mpampakana amu kupampakana, katshia dikenga edi dinkuate.

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Muadi 1:18

Maweja-Nangila mmuenze amu bimpe, bualu mvua mubenge kuitaba ku meyi ende. Nuenu bonsu badi apa, telejayi bimpe, tangilayi dikenga dianyi: nsongakaji yanyi ne nsongalume yanyi idi iya mu bupika.

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Yirmeya 48:36

Ke pandi ndila bena Mowabe ne bena Kire-Erese, mudi muntu wimba kasala ka madilu ne lushiba, bualu bionsu bivuabu nabi mbijimine.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Yirmeya 2:35

nudi amu nuamba ne: katuena ne tshilumbu to. Maweja-Nangila ke udi mupile, bualu udi utufikila munda kapayi bualu. Kadi bu munudi nuamba ne: katuena benze bualu bubi, ndi musue kunulumbuluisha.

Yeshaya 38:14

Ndi ngela mbila mikole, bu kandindi, ntua mikemu ne kanyinganyinga, bu kamanda-nkutshi. Mesu anyi adi atangila mulu, apungila. Maweja-Nangila, ungambuluishe! Ndi nkenga, mioyi mminshikile munda.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Yobe 33:27

Udi wimba misambu, wambila bantu bonsu ne: “Mvua muenze bibi. Tshivua mukumbaje mikenji. Kadi Mvidi Mukulu ki mmunnyoke to, mmumfuile luse.

Misambu 38:8

Munda munjukuke luya. Mubidi mmuntukakane onsu mujima.

Yirmeya 14:20

Maweja-Nangila tudi bamanye ne: tudi benze bibi. Tudi bamanye malu mabi avua baledi betu benze. Tudi bakuenzele bibi. Tudi bena tshibawu.

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Muadi 5:16

Buneme buetu mbujike! Tudi ne diakabi, bualu tuvua benzele Maweja-Nangila bibi.