Muadi 1:13 - MUKANDA WA MYIDI MUKULU

¹³ Uvua mutume kapia ka mu diulu. Kukabuejaye munda muanyi. Kungelaye buteyi ku makasa, kunshindishaye tshianyima. Kunnyingalajaye bikole. Ndi amu nsama matuku onsu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Ku muaba wandi wa mu diulu yeye wakatuma kahia hanshi, kakabuela mu mifuba yanyi; wakadisha bukuondo bua kukuata makasa anyi; wakashindisha; wakunvuisha muena kanyinganyinga ne muena mutshima mutekete dituku dijima.

Muadi 1:13 交叉引用

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Yobe 30:30

Dikoba dianyi ndifike fitutuu. Mifuba yanyi idi ipia ne luya lukole.

Yezekiyele 17:20

Nemmuteye buteyi, mmukuate. Nemmufile mu Babilone bua mmunyokelemu, bualu uvua muntombokele, meme Maweja-Nangila.

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Yobe 19:6

Kadi numanye ne; Mvidi Mukulu ke udi mungenzele bibi ebi, ke udi munjingile bukondu buende.

Ebrewu 12:29

Bualu Mvidi Mukulu wetu udi kapia kadi kubutula.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Yezekiyele 12:13

Kadi meme Maweja-Nangila ndi mmuteya bua bamukuate. Nemmutume mu ditunga dia bena Babilone, didiye kayi mua kumona. Kadi neafuilemu.

Misambu 66:11

Udi mutusakile mu buteyi, mututeke bujitu bupite pa makaya.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Osheya 7:12

Kadi, patshidibu baya ku bena Ashure, ndi mbateya mu bukondu buanyi. Ndi mbamatshisha panshi bu nyunyi. Ndi mbanyoka bilondeshile bubi buabu, budi bantu bambilangana.

Yezekiyele 32:3

“Nanku wambila mukalenga wa bena Ejipitu ne: Maweja-Nangila Mvidi Mukulu udi wamba ne: Bantu ba bungi nebasangile muaba umue. Diba adi nenkukuate mu bukondu buanyi. Bantu nebakoke bukondu abu ku tshibungubungu, bakupatula ku mukuna.

Muadi 5:17

Muoyi wetu udi usama munda, mesu etu adi muwule ne binsonji,

Muadi 1:22

Tangila bimpe tshikisu tshiabu. Ubenzele muuvua mungenzele meme, bua malu mabi anyi onsu. Mona mundi ntua mikemu. Ndi ne kanyinganyinga kakole.

Yirmeya 44:6

Nanku mvua mufike munda bikole, mvua ne kanyinganyinga. Ke mumvua mubutule bimenga bia Yuda ne misesu ya mu Yerushalayime. Ke mudi bimenga biandamuke makolu, bishale miaba idi ikuatshisha bantu bowa, bu munudi numona lelu.”

Yeshaya 42:17

Kadi bonsu badi batekemena kudi mvidie, badi batekemena mpingu ivuabu basonge, bayibikila ne: “Nudi mvidie yetu”, bafue bundu, banyeme lubilu.

Misambu 129:5

Baluishi ba Siyone bonsu bafue bundu! Bonsu buabu bayile kule!

Misambu 35:4

Badi banjingila lufu, bundu bubakuate, bupuke lumu! Badi bela meji a kungenzela bibi, bapingane tshianyima, bapange bualu!

Misambu 31:10

Maweja-Nangila, umfuile luse, ndi mu dikenga. Mesu mmanguwule ne binsonji, muoyi mmunshikile munda, mubidi mmuntekete.

Yobe 18:8

Makasa ende neamufikishe mu bukondu. Neaye mululame, abuele mu buteyi.

Dielulula 28:65

Munkatshi mua bisamba bia bende abi, kanuakuikala ne dikisha to. Kanuakuikala ne muaba wa kusomba to. Nanku Maweja-Nangila neanukengeshe bikole. Nenuikale ne kanyinganyinga mu mioyi yenu. Mesu enu kaakumona bimpe to. Nenuikale ne bowa, nuteketa mu maboku.

Misambu 38:8

Munda munjukuke luya. Mubidi mmuntukakane onsu mujima.

Misambu 140:5

Maweja-Nangila, undame bua tshiponyi mu bianza bia bantu babi; umpandishe kudi bena tshikisu, badi belangana meji a kunteya mukolu.

Ekesode 12:9

Kadi bitupa bionsu bia nyama awu, nansha mutu, bibelu ne bia munda mene, kanuena mua kubidia bibishi nansha bilamba to, anu biosha muiku.

Muadi 3:11

Kumpangishaye tshimvua mua kuenza bua kuikala ne muoyi. Kuntekeshaye, kumpuwisha kashidi.