Misambu 99:2 - MUKANDA WA MYIDI MUKULU

² Maweja-Nangila udi munene mu Siyone, — Eyowa, udi ku mutu kua bantu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa udi munene mu Siona; udi mubandishibue kulu ba mutu ha bantu bonso.

Misambu 99:2 交叉引用

Misambu 97:9

Bualu wewe Maweja-Nangila, ke udi Mvidi Mukulu Muena kulu pa buloba bujima, udi ku mutu kua mvidie.

Yeshaya 14:32

Bantu badi bena Peleshete batume, tubandamune tshinyi? Tubandamune ne: — Maweja-Nangila nkayende mmuase Siyone. Ke muaba udi bapele bende baye kusokomena.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Misambu 113:4

Maweja-Nangila udi ku mutu kua bisamba bionsu bia bantu, butumbi buende mbupite too ne diulu.

Misambu 66:7

Udi ushala mukalenga kashidi, ukokesha buloba. Udi ukenketa bisamba bionsu ne ende abidi: Bantomboji, kanuditambishi to!

Misambu 50:2

Mvidi Mukulu udi umueneka, bamunyungulule kudi bukenke, mu Siyone, tshimenga tshipite buimpe.

Dibadika 23:21

Maweja-Nangila kena mumone bubi, kena mumone buenzavi kudi bena Izrayele. Udi Mvidi Mukulu wabu, musombe munkatshi muabu. Badi bamutumbisha bualu udi mukalenga wabu.

Misambu 47:3

Bualu Maweja-Nangila, Mvidi Mukulu Muena kulu, udi wa kutshina, udi mukalenga munene, ulombola buloba bujima.

Misambu 47:8

Bualu Mvidi Mukulu ke mukalenga udi ulombola buloba bujima. Numutumbishe numuimbile misambu mimpe.