Misambu 98:1 - MUKANDA WA MYIDI MUKULU

¹ Musambu Imbilayi Maweja-Nangila musambu mupiamupia, bualu udi muenze malu a dikema, ne meji ende ne bukole bua bu Mvidi Mukulu buende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nuimbile Yehowa musambu muhia-muhia, bualu bua wakuenza malu manene a kukema. Tshianza tshiandi tshia balume ne diboko diandi dia tshijila biakumuhetela luhandu.

Misambu 98:1 交叉引用

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Yeshaya 52:10

Maweja-Nangila nealeje bukole buende, bua kukumbaja mudimu wende wa tshijila, bena mu matunga onsu bamona. Too ne ku ndekelu wa buloba, nebamone lupandu, ludi Mvidi Mukulu wetu ututuadila.

Didimanyisha 14:3

Bantu aba binunu ne binunu bavua bimane kumpala kua nkuasa wa butumbi, kua Bia muoyi binayi, ne kua bakulu, bimba musambu mupiamupia. Muntu nansha umue kavua mua kulonga musambu awu, amu bantu abu binunu lukama makumi anayi ne binayi bavuabu bapikule, bumushe pa buloba.

Misambu 96:1

Imbilayi Maweja-Nangila, musambu mupiamupia, nuenu bantu ba pa buloba bujima, imbilayi Maweja-Nangila musambu.

Misambu 33:3

Imbilayi Maweja-Nangila musambu mupiamupia, numusekelele ne bisanji, numukobuele!

Misambu 96:3

Nuambile bantu bonsu butumbi buende, numanyishe bukua bisamba malu a kukema adiye muenze.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.

Kolose 2:15

Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Bienzedi 2:11

Mudi bena Yuda, ne benyi batshidi bakeba kubuela mu tshisumbu tshia bena Yuda. Mudi bantu ba mu Kreta, kabidi ne Ba Arabe. Kadi bonsu tudi tubumvua balonda mu miakulu yetu mishilangane malu a kukema adi Mvidi Mukulu muenze.

Luke 1:49

Bualu Mvidi Mukulu wa bukole buonsu mmungenzele malu a dikema. Dina diende ndia tshijila.

Yirmeya 31:22

Nsongakaji mutomboke, newindile too ne ku tshikondu kayi, bua wewe kupingana? Bualu Maweja-Nangila mmupatule bualu bupiabupia pa buloba ne: ke mukaji udi uya kukeba mulume.

Yeshaya 63:5

Meme kukenzakana, kukeba muntu wa kungambuluisha! Kupanga! Meme kukema, kupanga muntu uvua mua kunkolesha ku muoyi. Kadi meme kushindika bua kukuata mudimu nkayanyi. Tshiji tshianyi tshivua tshimpesha dikanda.

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Misambu 149:1

Tumbishayi Maweja-Nangila, Aleluya! Imbilayi Maweja-Nangila musambu mupiamupia. Bantu batumbishe Maweja-Nangila muaba udi bena diende basangile!

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Yeshaya 59:16

Maweja-Nangila uvua mumone muvua muntu nansha umue kayi wambuluisha bavuabu bakengesha. Uvua ukema, bua pavua bantu kabayi bambuluishangana. Ke mudiye musue kukuata mudimu yeye mene. Bu mudiye unanga bantu, udi ukeba kubasungidila.

Misambu 139:14

Maweja-Nangila, tuasakidila, bualu udi muenzele mubidi wanyi, malu a dikema. Biudi muenze bidi bia dikema, ndi mubimanye.

Misambu 136:4

Yeye nkayende mmuenze malu manene a dikema, bualu dinanga diende ndia kashidi.

Misambu 105:5

Nuenu ndelanganyi ya Abrahame, muntu wende, nuenu bana ba Yakobe bantu bende basungula! Nuvuluke malu a kukema adiye muenze, mwuluke bishima biende, ne meyi ende avuaye muambe mukana muende.

Misambu 86:10

Bualu udi munene, udi wenza malu a dikema, udi amu wewe nkayebe, Mvidi Mukulu mulelela.

Misambu 77:14

Eyi! Mvidi Mukulu, njila webe udi wa tshijila, kakuena mvidie mukuabu udi munene bu wewe Mvidi Mukulu.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Bienzedi 19:20

Ke muvua muaku wa Mfumu wenda utanta, uleja bukole buawu.

Didimanyisha 6:2

Nkenzakana, ke meme kumona kabalu katoke. Uvua mubandepu uvua mukuate buta. Kumupabu tshifulu tshia bukalenga. Kumukaye bu tshilobu, bua kuya kutshimuna kabidi.

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Misambu 72:18

Tuele Maweja-Nangila, Mvidi Mukulu wa Izrayele, tuasakidila. Amu Yeye ke udi wenza malu a dikema.

Misambu 89:14

Wewe ke udi ne diboku didi ne bukole, dinkomu diebe didi ne bukole, tshianza tshia balume tshidi tshiolola.

Yeshaya 12:5

Imbilayi Maweja-Nangila ne bisanji, bualu mmuenze malu a dikema. Numuanyishe pa buloba bujima!”