Misambu 96:6 - MUKANDA WA MYIDI MUKULU

⁶ Udi ukenkesha bunene ne buneme, nzubu wende udi ne bukole ne bukenke bua bungi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Butumbi ne buneme bidi ku mpala kuandi; bukole ne bulengele bidi mu tshitendelelu tshiandi.

Misambu 96:6 交叉引用

Misambu 104:1

Ndi musue kuela Maweja-Nangila tuasakidila! Maweja-Nangila, Mvidi Mukulu wanyi, udi mutambe bunene. Udi muvuale bukenke ne buneme,

Misambu 93:1

Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

1 Kulondolola 16:27

Ke padiye ne butumbi ne bumfumu, muaba udiye mmuwule ne lumu, kabidi ne disanka.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Misambu 50:2

Mvidi Mukulu udi umueneka, bamunyungulule kudi bukenke, mu Siyone, tshimenga tshipite buimpe.

Misambu 29:9

Diyi dia Maweja-Nangila didi dilelesha ngulungu, dilelesha mbudi muitu. Mu nzubu mua Maweja-Nangila, bantu bonsu badi bela mbila ne: “Tutumbishayi Mvidi Mukulu!”

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Misambu 19:1

Musambu wa mu mukanda wa misambu ya Davide, wa mu mukanda wa mulombodi wa bena misambu.

Misambu 8:1

Musambu wa mu mukanda wa mulombodi wa misambu, wa kuimba ne lunkombe lua Ngate. Musambu wa mu mukanda wa misambu ya Davide.

Misambu 63:5

nkuela tuasakidila matuku onsu andi ne muoyi. Nengele bianza mulu bua kukusamuna.