Misambu 96:4 - MUKANDA WA MYIDI MUKULU

⁴ Maweja-Nangila udi munene, bidi bimpe bamutumbishe. Bamutshine kumpala kua mvidie yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua Yehowa udi munene, budiye nʼabu mbua kutumbishibua bikole; budiye nʼabu mbua kunemeshibua ha mutu ha nzambi yonso ya hatuhu.

Misambu 96:4 交叉引用

Misambu 145:3

Wewe Maweja-Nangila udi munene, ne bantu bonsu nebakutumbishe, bualu buneme buebe kabuena ndekelu.

Misambu 18:3

Maweja-Nangila udi lubuebue luanyi, muaba undi nsokomena, mpetela lupandu. Udi undama bu ngabu. Udi mukuna undi nyemena bua kupanda.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Misambu 66:3

Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Misambu 86:10

Bualu udi munene, udi wenza malu a dikema, udi amu wewe nkayebe, Mvidi Mukulu mulelela.

Misambu 48:1

Musambu wa mu mukanda wa misambu wa bena Kora.

Luke 12:5

Ndi nnuleja unudi ne bua kutshina: nutshine Mvidi Mukulu, bualu Yeye, kunyima kua lufu, udi ne bumfumu bua kukuela mu kandondu ka bafue. Ndi nnuambila ne: numutshine amu Yeye!

Misambu 66:5

Vuayi numone mudi Mvidi Mukulu muenze. Bidiye muenzele bantu bidi bikemesha.

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Misambu 76:7

Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?

2 Kulondolola 2:4

Nanku, nzubu wa Mvidi Mukulu undi ngasa neikale munene, wa lumu, bualu Mvidi Mukulu wetu mmupite mvidie yonsu ku bunene.

Misambu 150:2

Mutumbishayi bua bishima biende, mutumbishayi bua buneme buende kabuyi ndekelu!

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.