Misambu 90:11 - MUKANDA WA MYIDI MUKULU

¹¹ Udi mumanye bukole bua tshiji tshiebe nnganyi? Nganyi watshina kapia ka dibinduluka diabe?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Udi mumanye bukole bua tshiji tshiebe nganyi? Udi mumanye njiya yebe idi itshinyisha bantu nganyi?

Misambu 90:11 交叉引用

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Lewitiki 26:24

meme panyi nennubenge. Nemvudije tshiakabidi dinyoka dienu misangu muanda mutekete.

Didimanyisha 6:17

Bualu dituku dinene dia tshiiji tshiabu ndimane kufika. Udi mua kubafuila nkanana nnganyi?”

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

Dielulula 28:59

Nuenu kanuyi bakumbaje mikenji eyi, Maweja-Nangila neanukengeshe bikole, nuenu ne ndelanganyi yenu yonsu. Nenupete mputa ya lubangu ne masama makole mavule adibu kabayi mua kuondapa.

Lewitiki 26:21

“Panudi anu numbenga kanuyi nungitaba, meme nemvudije kabidi makenga enu misangu muanda mutekete.

Lewitiki 26:18

“Padi bionsu ebi binuenzekela kanuyi nungitaba, nanku nemvudije makenga enu awu misangu muanda mutekete, bua malu mabi anudi benza.

Luke 12:5

Ndi nnuleja unudi ne bua kutshina: nutshine Mvidi Mukulu, bualu Yeye, kunyima kua lufu, udi ne bumfumu bua kukuela mu kandondu ka bafue. Ndi nnuambila ne: numutshine amu Yeye!

Misambu 76:7

Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.