Misambu 90:10 - MUKANDA WA MYIDI MUKULU

¹⁰ Bantu ba dikanda badi mua kulala panu bidimu makumi muanda mutekete, anyi makumi muanda mukulu, kadi mu bungi bua bidimu abi, tudi ne ntatu ne makenga. Tudi tuya lukasa batangila ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Matuku a mu bidimu bietu adi akumbana bu bidimu makumi muanda mutekete; anyi, bituikala ne bukole, bidi mua kukumbana bidimu makumi muanda mukulu; kadi dileha diabi didi dituvuishila anu mudimu mukole ne kanyinganyinga, bualu bua bidi bihita lubilu, ne ludi tuya lukasa.

Misambu 90:10 交叉引用

Yakobe 4:14

Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.

Misambu 78:39

uvua uvuluka ne badi amu bantu, badi bu lupepela ludi lupatuka kaluyi lupingana kabidi.

2 Samuele 19:35

Barzilayi kuandamuna ne: — Mukalenga, nkunshadile matuku bungi munyi bua meme kuikala ne muoyi? Matuku anyi mmashale makese matambe. Tshiena mua kuya nebe ku Yerushalayime.

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

Dielulula 34:7

Moshe ufuile muikale ne bidimu lukama ne makumi abidi. Kadi, utshivua anu ne bukole bua bungi, kayi muanji kukulakaja to. Mesu ende atshivua anu amona bimpe.

1 Bakalenga 1:1

Mukalenga Davide ukavua mumane kukola mukulakaje. Pavuabu bamubuikila bilamba, katshivua umvua luya pambidi to.

Yobe 24:24

Bantu aba, badi ne diakalenga amu katupa kakese, pashishe badi bafua. Badi binama, bafuba bu tshilongu. Badi bu miepu idibu bakosa.”

Yobe 14:10

Kadi padi muntu ufua, kuende nkujika! Neumukebele penyi?

Yeshaya 38:12

Mbatule nzubu undi nsomba, mudibu batula mutanda wa mulami wa mikoku, baya nawu kule kudi lupepele. Matuku anyi a panu akadi matue ku tshibungubungu, bu tshipese tshia tshilamba, tshidi mukumi ukosa buanda, uvunga. — Maweja-Nangila buatshia buila, udi mua kuvua kungangata, kumbutula. —

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Yobe 20:8

Udi upepuka bu tshilota, ujimina, kabayi mua kumusangana kabidi to, bu mudi malu adi amuenekela muntu butuku.

Genese 6:3

Kadi Maweja-Nangila kuamba ne: “Bua buenzayi bua muntu pa buloba, ndi nkepesha bidimu biende, bishale anu lukama ne makumi abidi, bualu muntu udi anu wa mubidi. Tshiena musue bua Mueyelu wa muoyi undi mumupesha ushale kashidi munda muende.”

Lewitiki 27:7

“Padi muntu mumane kupita pa bidimu makumi asambombu, nebafute Maweja-Nangila nkanu dikumi ne itanu bua muntu mulume. Bua muntu mukaji badi ne bua kufila nkanu dikumi.

Yoshua 14:11

Kabidi ntshidi anu ne bukole bu mumvua nabu musangu uvua Moshe muntume bua kutentekela ditunga. Ntshidi amu ne bukole buonsu bumvua nabu tshikondu atshi, nansha bua kuluangana mvita, nansha bua kuenza midimu mikuabu.

2 Samuele 19:36

Mpindiewu ndi ne bidimu makumi muanda mukulu. Tshiena mumanye kabidi mua kusunguluja bimpe ne bibi. Tshiena mua kumvua busheme bua bintu bindi ndia, nansha bindi nnua. Tshiena mua kusunguluja meyi a bantu balume nansha bakaji badi bimba misambu. Nanku ndi mua kuya nebe anu bua kukutatshisha bua tshinyi?

Yobe 5:7

Kadi dikenga dionsu didi difuma munda mua muntu bu mudi tuntolentole tua kapia tupatuka mu kapia.