Misambu 89:8 - MUKANDA WA MYIDI MUKULU

⁸ Mvidi Mukulu, badi bakutshina mu tshipangu, tshia batumibue ba Mvidi Mukulu, badi bapita kukutshina kudi badi bannyungulukila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa Nzambi wa misumba, udi ne bukole bu mûdi wewe, Yehowa, nʼabu nganyi? Lulamatu luebe lua bushuwa ludi lukunyunguluka.

Misambu 89:8 交叉引用

Misambu 71:19

Mvidi Mukulu, buakane buebe budi butua mulu, butua panshi. Udi muenze malu a dikema! Mvidi Mukulu wanyi, kakuena udi mufuanangane nebe.

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

1 Samuele 2:2

Anu Maweja-Nangila ke udi wa tshijila, kakuena Mvidi Mukulu mukuabu, amu Yeye. Mvidi Mukulu wetu nkayende udi lubuebue.

Misambu 147:5

Maweja-Nangila wetu mmunene. Udi ne bukole buonsu, lungenyi luende kaluena kuamba.

Misambu 89:6

Maweja-Nangila, batumibue, ba mu diulu batumbishe malu ebe a kukema, badibu nabu mu diulu batumbishe bulelela buebe!

Misambu 84:12

Bualu Maweja-Nangila, udi Diba ne Ngabu. Tudi tumanyisha Mvidi Mukulu bua luse ne butumbi; Maweja-Nangila udi upesha bantu bakane masanka.

Misambu 35:10

Nengambile Maweja-Nangila muanyi muonsu ne: “Kakuena udi bu wewe. Wewe udi upandisha mupele mu bianza bia baluishi bende, usungidila muena dikenga kudi muena tshinyangu.”

Misambu 24:8

— Mukalenga munene ewu nnganyi? — Ke Maweja-Nangila, tshilobu tshia makanda; Maweja-Nangila, tshilobu, kanyemi baluishi!

Yeshaya 28:22

Nenku mpindiewu, lekelayi bilele bienu bibi, bua kabayi kukolesha majita a mionji ya mu nshingu yenu. Bualu Maweja-Nangila Mvidi Mukulu muena bukole buonsu, mmungambile ne: ndi mujadike bua kubutula ditunga dijima.

Misambu 89:13

Wewe ke udi mufuke ku mutu kua ditunga, ne kuinshi kuadi, mukuna wa Tabore ne wa Ermone, idi isamuna dina diebe.

Yobe 9:19

Udi mumpite ku bukole, ndi mua kumuluisha anyi? Kadi yeye, ndi mua kumufunda ku kabadi anyi? Kadi udi mua kumbikidisha ku kabadi nganyi?

Yoshua 22:22

— Maweja-Nangila ke Mvidi Mukulu wa bukole buonsu. Eyowa, anu Yeye ke Mvidi Mukulu wa bukole buonsu. Maweja-Nangila mmumanye tshitudi bashile tshilambuilu etshi. Bena Izrayele bonsu kabidi nebamanye bualu ebu. Patuikala batombokele Maweja-Nangila, bamuenzele tshilema bunene nanku, atushipe lukasa!

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

1 Samuele 15:19

Kuena mutumikile diyi dia Maweja-Nangila bua tshinyi? Udi muangate bintu bia bena Amaleke bua kufikisha Maweja-Nangila munda bua tshinyi?

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Nehemya 1:5

kumuambila ne: — Ndi nkusengelela Maweja-Nangila Mvidi Mukulu wa mu diulu, Mvidi Mukulu munene wa kutshina! Wewe udi ukumbaja ndondu webe ne bantu badi batumikila mikenji yebe. Kabidi bantu bonsu badi bakunanga, kuena ubalekela to.

Yobe 37:22

Butoke budi bukenka, bufuma ku mutu kua ditunga. Lumu lua Mvidi Mukulu ludi lutukuatshisha bowa.