Misambu 84:9 - MUKANDA WA MYIDI MUKULU

⁹ Maweja-Nangila Mvidi Mukulu wa bukole buonsu, umvua kutendelela kuanyi, Mvidi Mukulu wa Yakobe, unteleje.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mona, wewe Nzambi, ngabu wetu, utangile mpala wa muntu webe udi muedibue manyi ha mutu!

Misambu 84:9 交叉引用

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Misambu 132:17

Nempatuishe mukalenga wa lumu, wa ku ndelanganyi ya Davide mu Siyone. Nentekemu mukalenga undi mulabe manyi, bu mudibu bateka muendu mutemesha.

Misambu 98:1

Musambu Imbilayi Maweja-Nangila musambu mupiamupia, bualu udi muenze malu a dikema, ne meji ende ne bukole bua bu Mvidi Mukulu buende.

Misambu 89:20

Dituku dikuabu uvua muleje bualu, wewe kuakula, wambila bantu bebe badi bakulamata ne: “Ndi muambuluishe muntu wa bukitu, ndi musungule nsongalume wa bantu bonsu.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

Misambu 59:11

Mvidi Mukulu wanyi udi unnanga. Ke mudiye ungambuluisha, undeja mudi baluishi banyi babutuka bonsu.

Misambu 3:3

Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

2 Kulondolola 6:42

Maweja-Nangila Mvidi Mukulu, kubengi mukalenga uudi mujidile, uvuluke bilenga bionsu biudi muenze, biudi muenzele muntu webe Davide.”

2 Samuele 23:1

Ke meyi a Davide a ndekelu aa: Telejayi meyi a Davide, muana wa Ishayi, meyi a muntu uvua Mvidi Mukulu muteke muaba wa butumbi, uvua Mvidi Mukulu wa Yakobe musungule bua kuikalaye mukalenga, uvua bena Izrayele bimbila misambu, basamba.

1 Samuele 16:6

Ishayi ne bana bende bamane kufika, Samuwele kumona Eliyabe. Kudiambilaye munda ne: “Bulelela, ke udi Maweja-Nangila musungule ewu.”

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

Misambu 17:1

Ditendelela dia mu mukanda wa misambu ya Davide. Maweja-Nangila, unteleje, ndi ndila muadi, ungumvue. Tshiena ne bubi bundi muenze. Ndi nkutendelela, ungitabe. Mukana muanyi kamuena dishima.