Misambu 73:4 - MUKANDA WA MYIDI MUKULU

⁴ Bantu abu kabatu basama, badi badiunda, bengelela.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua kabena ne kanyinganyinga ha kufua kuabo; kadi bukole buabo butshidi bukandamane.

Misambu 73:4 交叉引用

Luke 16:22

Mupele kufua. Batumibue ba Mvidi Mukulu kumuambula, kuya kumuteka mu diulu pabuipi ne Abrahame. Muena biuma kufua kabidi. Kumujikabu.

Muambi 2:16

Bionsu bidi bienzeka, badi babipua muoyi lukasa. Muntu wa meji udi ufua, anu mudi mupote ufua. Kadi bonsu babidi nebabapue muoyi. Bionsu ebi bidi bienzeka nanku bua tshinyi?

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Misambu 17:10

Badi bapapisha muoyi wabu, kabayi ne luse. Badi baditemba amu kuditemba.

Yobe 24:20

Mamu uvua mubalele ukadi mubapue muoyi. Badi babadia kudi misanda. Bantu kabena babavuluka kabidi to. Badi batshibula bubi bu mudi mutshi.

Muambi 7:15

Ntshidi amu matuku makese panu. Mvua mumone ne bionsu bidi mua kuenzeka. Muntu udi mua kufua, nansha yeye muntu udi wenza tshidi Mvidi Mukulu musue. Muntu mubi udi mua kushala ne muoyi, nansha yeye muena buenzayi.

Yobe 15:27

Badi badiunda, badi ne bukole bua mubidi.

Yobe 21:13

Bamane kulala panu ne diakalenga, badi bafua talalaa, babuela mu dijimba dia bafue.

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.