Misambu 72:12 - MUKANDA WA MYIDI MUKULU

¹² Neapikule muena dikenga udi umusengelela, kabidi ne mupele udi kayi ne mumuambuluishi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua neahandishe mukengedi wa bintu hadileye kudiye, neabandishe muntu muhele udi kayi ne mukuatshishi.

Misambu 72:12 交叉引用

Yobe 29:12

Mvua muambuluishe mukengi uvua ungela mbila, nansha muana nshiya uvuabu kabayi bavuluka.

Misambu 102:17

Padi Maweja-Nangila wibakulula Siyone, padiye umueneka mu butumbi buende,

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Misambu 10:17

Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Luke 4:18

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Yeshaya 41:17

Bapele ne bakengi, badi bakeba mayi, kabayi baapeta. Nyota idi ibumisha muminu. Kadi meme Maweja-Nangila, ndi ngitaba ku dilomba diabu. Meme Maweja-Nangila wa bena Izrayele, tshiena mbalekela to.

Misambu 72:4

Mukalenga akose nsambu ya bapele pa yoyi, ambuluishe bena dikenga, abutule badi babakengesha!

Luke 7:22

Ke kuandamunaye bantu bavua Yowanane mutume ne: — Nupingane kudi Yowanane, numulondele bionsu binudi bamone, ne binudi bumvue: mpofu idi imona, batebuki badi benda biakane, bena nsudi badi bakana mibidi, bena mapapa badi bumvua, bafue badi babiika ku lufu, bapele badi bumvua Lumu lua Disanka.

Misambu 102:20

Mu diulu mudiye, Maweja-Nangila mmuinangile, mutangile pa buloba. Ku nzubu wende wa tshijila udi utangila mesu ende panshi,

1 Samuele 22:2

Bantu bakuabu bu nkama inayi, bavua ne bilumbu, nansha bavua ne mabanza, nansha bavua babenga bulongolodi bua ditunga, kudisangisha muaba uvua Davide. Davide kushala mfumuabu.

2 Samuele 14:16

Udi mua kunsungidila mu bianza bia muntu udi ukeba mua kunshipa, kushipa kabidi ne muananyi, kutumusha munkatshi mua tshisamba tshia bantu badi Mvidi Mukulu musungule.”

Yobe 36:15

Kadi Mvidi Mukulu udi uteleja bakengi mu dikenga didibu bumvua. Udi ubabela mu ntatu idibu nayi.

Misambu 55:17

Meme ndi mbikila Mvidi Mukulu, bua angambuluishe. Nanku Maweja-Nangila neampandishe.

Nsumuinu 29:7

Muntu udi ulamata Mvidi Mukulu udi ujingulula tshidi mupele ne bua kupeta. Kadi muntu mubi kena ne lungenyi elu to.