Misambu 71:10 - MUKANDA WA MYIDI MUKULU

¹⁰ Baluishi banyi badi bangelela bifufu bibi, bakeba mudibu mua kunshipa, bamba ne:

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua badi nʼanyi lukuna badi bambilangana bualu buanyi, ne badi batentekela muoyo wanyi badi bela tshifufu.

Misambu 71:10 交叉引用

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Misambu 83:3

Mona baluishi bebe badi benza disalu, badi bakukina badi bakulundukila, bela mitu mulu.

Misambu 56:6

Bindi ngamba, badi babiamba muabu munga. Meji abu adi amu a kungenzela bibi.

Misambu 31:13

Bakadi bampue muoyi bu mufue, nkadi bu tshibambalu.

Matayi 27:1

Patshiatshia, bamfumu bonsu ba batuangaji, ne bakulu ba bena Yuda, kupunga diyi dia kushipesha Yezu.

Nsumuinu 1:11

padibu bakuamba ne: “Vuaku, tuye kualamina bantu mu njila bua kubashipa, tubajikidile, tubabunde, nansha bobu kabayi batuenzele bibi.

Misambu 10:9

Udi ulala muaba musokome, utentekela bu ntambue, mualamine mupele bua kumukuata. Udi ukoka muena dikenga, umukuata mu bukondu.

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

1 Samuele 19:11

Shawule kutuma bantu bua balame nzubu wa Davide, bua kumushipa dinda. Kadi, Mikale, mukaji wa Davide, kuambila Davide ne: — Wewe kuyi munyeme butuku ebu, malaba badi bakushipa.

Misambu 109:20

Ke mudi Maweja-Nangila wenzela bonsu badi bansonguela kudiye, ne badi banjana nanku.