Misambu 70:3 - MUKANDA WA MYIDI MUKULU

³ Badi basue kunshipa, bafue bundu, bapange tshia kuenza. Badi basanka bua dikenga dianyi, lumu lubupuke!

Mukanda wa Nzambi Dihungila Dikulukulu ne Dihungila Dihia-dihia 2003

³ Badi bamba ne, Eyo, eyo, balukishibue tshianyima bualu bua bundu budi bubakuata.

Misambu 70:3 交叉引用

Misambu 40:15

Badi basue kunshipa, bafue bundu, bapange tshia kuenza. Badi basanka bua dikenga dianyi, lumu lubupuke.

Bienzedi 1:18

(Muntu awu uvua musumbe budimi ne makuta avuabu bamufute bua bualu bubi buvuaye muenze. Kuponaye mu budimi amu, mutu panshi. Mubidi wende kutayika, bia munda bionsu kuya panshi.

Yezekiyele 26:2

— Yezekiyele, bena Tire badi baseka Yerushalayime, bamba ne: “Ekelekele! Ekelekele! Tshimenga tshia Yerushalayime, muaba uvua bantu ba matunga onsu bapitshila, ntshibutuke. Mpindiewu bantu nebafike kuetu bua kusakula. Netuneme bikole bipite, bualu mpindiewu Yerushalayime mmunyanguke!”

Yezekiyele 25:3

Ubambile bua bateleje tshindi meme Maweja-Nangila mbambila ne: “Nuvua nuseka pavuabu banyanga muaba wanyi wa tshijila, pavuabu babutula ditunga dia bena Izrayele, pavuabu baya ne bena Yuda mu bupika.

Misambu 35:25

Baluishi banyi kabangambi ne: “Eyowa, tudi bamukuate! Ke tshitudi bajinge!”

Misambu 35:21

Badi babulula mukana, banjana ne: “Eyowa, tudi bakumone, tudi bakukuate!”

Yezekiyele 36:2

meme Maweja-Nangila Mvidi Mukulu ndi nnuambila ne: “Baluishi benu bavua banuseka, bamba ne: ‘Mpindiewu mikuna ya kale ya mu Izrayele ikadi yetu!’ ”

Misambu 71:13

Badi bansonguela, bundu bubakuate, babutuke! Badi bankebela diakabi, ubafuishe bundu, bupuke lumu.

Misambu 71:24

Bu muudi ukumbaja malaya ebe, nenkutumbishe buatshia buila. Bonsu bavua bakeba kumbutula, bundu bubakuate, bupuke lumu.