Misambu 61:2 - MUKANDA WA MYIDI MUKULU

² Mvidi Mukulu wanyi, teleja miadi yanyi, umvua mundi nkusengelela.

Mukanda wa Nzambi Dihungila Dikulukulu ne Dihungila Dihia-dihia 2003

² Kunfudilu kua buloba ndi nkuela dî dianyi, bahanga mutshima wanyi. Undombele ku dibue didi dintamba kulu

Misambu 61:2 交叉引用

Misambu 18:2

Maweja-Nangila, ndi mukunange, Wewe udi bukole buanyi.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Misambu 62:6

Kudi Mvidi Mukulu ke kundi mpeta dikisha, kudiye ke kundi ntekemena.

Misambu 77:3

Ndi nkeba Maweja-Nangila pandi mu dikenga, ndi mmuoluela bianza butuku bujima, tshiyi mpungila ndi mbenga bua muntu kansambi.

Misambu 62:2

Kudi Mvidi Mukulu ke kundi mpeta dikisha, kudiye ke kundi ntekemena lupandu.

Misambu 18:46

Kabena bantuila nkanana. Badi bapatuka miaba ivuabu basokome, bazakala.

Dielulula 4:29

Diba adi, mu matunga aa, nenukebe Maweja-Nangila Mvidi Mukulu wenu. Kadi bua nuenu kumupeta, anu nuenu bamukebe ne muoyi mujima ne bukole buenu buonsu.

Misambu 27:5

Nanku diba dia dikenga, neambueje mu nzubu muende, neanteke kaba kakole pa mukuna udiye usomba.

Misambu 142:3

Ndi mmukuatshila tshilumbu, mmuleja dikenga dianyi.

Misambu 40:2

Mvua mutekemene bikole kudi Maweja-Nangila. Kuinamaye kundi, kumvuaye lubila luanyi.

Yeshaya 54:11

Wewe Yerushalayime udi mukengi, udibu banyungisha kudi tshipepele tshikole, kakuyi muntu udi ukusamba. Kadi meme Maweja-Nangila ndi ngamba ne: “Nenkuasulule ne mabue malengeja bimpe. Nengenzulule bitaku biebe ne mabue mafikuluke.

Misambu 55:5

Ndi nzakala amu kuzakala. Bowa bua lufu budi bunkuata.

Misambu 143:4

Mu maboku mmutekete, tshiena ne bukole kabidi bua kuenza bualu.

Misambu 43:5

Ndi mpita kubungama bua tshinyi. Muoyi wanyi udi upampakana bualu kaayi? Tekemena Mvidi Mukulu, nemmutumbishe tshiakabidi! Yeye ke Mupandishi wanyi ne Mvidi Mukulu wanyi!

Misambu 42:6

Ndi mpita kubungama bua tshinyi? Muoyi wanyi udi upampakana bualu kaayi? Tekemena Mvidi Mukulu, bualu nemmutumbishe tshiakabidi. Yeye ke Mupandishi wanyi, ne Mvidi Mukulu wanyi!

Luke 22:44

Bowa bukole buvua bukuata Yezu. Ke kutendelelaye bikole bipite. Tshisululu tshiende tshifua tshiandamuka mashi, amata panshi.]

Misambu 17:1

Ditendelela dia mu mukanda wa misambu ya Davide. Maweja-Nangila, unteleje, ndi ndila muadi, ungumvue. Tshiena ne bubi bundi muenze. Ndi nkutendelela, ungitabe. Mukana muanyi kamuena dishima.