Misambu 60:7 - MUKANDA WA MYIDI MUKULU

⁷ Fika lukasa, leja bukole buebe, utusungidile. Witabe bitudi tukulomba. Nanku bantu baudi unanga nebapande.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Gilada nguanyi; Manashe nguanyi kabidi; Efelayima udi tshifulu tshikole tshia ha mutu hanyi; Yuda udi dikombo dianyi dia bukelenge.

Misambu 60:7 交叉引用

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Dielulula 33:17

Yozefe apete lumu! Udi mukole bu ngombe mulume, udi ne nsengu ibidi bu ya nyama wa mbowa, ya kutshimuna nayi bisamba bikuabu, kubipata too ne ku ndekelu wa buloba. Lusengu lumue ke bantu binunu ne binunu ba bena Efrayime, lukuabu ke bantu nkama ne nkama ba bena Menashe.”

Yoshua 13:31

Muvua kabidi tshitupa tshia ditunga dia Ngilaade, ne bimenga bia Ashetarote ne Edreyi, bimenga binene bia kale bia Oge, mukalenga wa Bashane. Buloba buonsu ebu bavua babuabanyine tshia bibidi tshia meku a ndelanganyi ya Makire, muana wa Menashe.

1 Kulondolola 12:37

Kuvua bena mvita ba mu tshisamba tshia Ashere 40.000 bamane kudilongolola pabu bua kuela mualu, kabidi bavuale bia mvita bia mishindu yonsu.

1 Kulondolola 12:19

Nanku Mueyelu wa Mvidi Mukulu kutulukila Amashayi, mulombodi wa “Tshisumbu tshia bena mvita Makumi asatu.” Kuelaye lubila, wamba ne: — Tudi nebe, tudi ku luseke luebe wewe, Davide, muana wa Ishayi! Upete diakalenga, wewe ne bonsu badi bakuambuluisha, bualu Maweja-Nangila mmumane kukuambuluisha. Ke Davide kubakidila, kubateka balombodi ba bena mvita bende.

Yoshua 17:1

Ndelanganyi ya Menashe, muanabute wa Yozefe, kupetayi wayi muaba. Bakavua bamane kupesha ndelanganyi ya Makire, muanabute wa Menashe, tshilobu tshia mvita, muikale kabidi tatuende wa Ngilaade, tshitupa tshia buloba: ke ditunga dia Ngilaade ne dia Bashane, luseke ludi diba dipatukila lua Yardene.

1 Samuele 28:2

Davide kuandamuna ne: — Eyowa, mukalenga wewe nkayebe neudimuene tshindi ngenza. Mukalenga Akishe kuandamuna ne: — Mbimpe bitambe! Nanku ndi nkuteka pabuipi nanyi. Wikale undama meme kashidi.

Misambu 108:7

Unsungidile ne tshianza tshiebe tshia balume, ungitabe, bua bantu bebe baudi munange bapande!