Misambu 60:6 - MUKANDA WA MYIDI MUKULU

⁶ Uvua mumanyishe bantu bebe bua banyeme mvita, bapanduke ku miketa ya baluishi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nzambi wakuamba dî mu tshijila tshiandi ne, Nensanke, nenuhaule buloba bua Shekeme, nengabanye Tshibanda tshia Sukota.

Misambu 60:6 交叉引用

Yoshua 13:27

Mu tshibandabanda tshia musulu wa Yardene muvua kabidi Bete-Arame, Bete-Nimra, Sukote ne Safone, misoku ya mu bukalenga bua Sihone, uvua mukalenga mu Eshebone. Buloba ebu buvua luseke ludi diba dipatukila lua musulu wa Yardene. Musulu wa Yardene awu uvua wenza mukalu too ne ku dijiba dia Ngenesarete didi ku mutu wa ditunga.

Genese 12:6

kupitshilabu mu ditunga adi too ne ku mutshi wa tshijila uvua mu Moreya pabuipi ne musoku wa Shekeme. — Bena Kenaane batshivua mu ditunga adi. —

Misambu 89:35

Tshiena ngupula ndondu wanyi nansha, tshiena nkudimuna meyi amvua mupatule mukana muanyi.

Amosa 4:2

Nanku Maweja-Nangila Mvidi Mukulu udi uditshipa ne: “Meme Mvidi Mukulu wa tshijila, ndi nnujadikila bulelela ne: matuku adi kumpala, nebanukoke bonsu, mudibu bakoka mishipa mikuata ku ndobu.

Misambu 119:162

Ndi nsanka bua mukenji webe, bu mupete biuma bia bungi bia mushinga mukole.

Misambu 56:4

Kadi padi bowa bunkuata, ndi ntekemena kuudi.

Yoshua 17:7

Buloba bua Menashe buvua butuadijila ku Ashere, buya too ne ku Mikmetate, luseke ludi diba dipatukila lua Shekeme. Kumukila ku Mikmetate, mukalu uvua upuekela kuinshi muditunga, uya too ne ku muaba uvua bena Ene-Tapuwa.

Yoshua 1:6

Kolesha muoyi, kutekeshi mu maboku to. Bualu wewe neulombole bena Izrayele, bua kukuatabu ditunga dimvua mulaye bankambua babu.

Yirmeya 23:9

Ke miaku ya Yirmeya idi itangila bambi. Ndi ne kanyinganyinga, ndi nzakala mubidi mujima, ndi bu muntu mukuatshike maluvu, bu muntu uvua munue mvinyo mupite bungi. Anu bualu bua Maweja-Nangila, bualu bua Mvidi Mukulu wa tshijila, ne bua malu adiye mungambile ne:

Misambu 132:11

Maweja-Nangila uvua muditshipe kudi Davide ne mutshipu, udiye kayi mua kulekela ne: “Nensungule umue wa ku bana bebe ba balume, bua kukupinganaye mu bukalenga.

Misambu 89:19

Ngabu wetu, ngua Maweja-Nangila mukalenga wetu, ngua Mvidi Mukulu wa tshijila wa bena Izrayele.

2 Samuele 3:18

Mpindiewu, tshikondu tshiakumbanyi tshia kuenza bualu abu! Bualu Maweja-Nangila uvua mumane kuamba bua Davide ne: “Anu muntu wanyi Davide ke wasungidila bantu banyi bena Izrayele, mu bianza bia bena Peleshete ne mu bianza bia baluishi babu bakuabu bonsu.”

Yoshua 24:32

Nanku mifuba ya Yozefe ivua bena Izrayele bumuke nayi mu Ejipitu, kuyijikabu mu Shekeme, mu buloba buvua Yakobe musumbe ku nkanu ya tshiamu tshitoke tshia mushinga mukole lukama. Uvua mubusumbe kudi ndelanganyi ya Amore uvua muase tshimenga tshia Shekeme. Buloba abu kushala mu dina dia ndelanganyi ya Yozefe.

Yoshua 24:1

Yoshuwa kukunguja bisamba bionsu bia bena Izrayele ku Shekeme. Kubikidishaye bakulu, bamfumu, balumbuluishi, ne balombodi ba bena mvita ba bena Izrayele. Kufikabu bonsu muaba uvua Mvidi Mukulu.

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.