Misambu 60:5 - MUKANDA WA MYIDI MUKULU

⁵ Uvua mumueneshe tshisamba tshiebe mabika ne mala, mutunuishe dikopu dia tshiji, tuenda tutetuka.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bua bantu bebe baudi munange babandishibue, ubasungile ne tshianza tshiebe tshia bukole, utunvuile.

Misambu 60:5 交叉引用

Misambu 17:7

Undeje muudi munnange. Badi basokomena kuudi, udi ubapatula mu bianza bia baluishi babu.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Misambu 18:35

Udi undongesha mvita, undeja mundi mua kunana buta.

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Misambu 74:11

Kuena musue kutuambuluisha bua tshinyi? Muudi muele maboku panyima, mulengulule bualu ebu mbishi?

Misambu 60:12

Amu wewe Mvidi Mukulu ke udi mua kuenza nanku. Kadi wewe kutubenga, kuyi musue kabidi kuenda netu mu mvita.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Yirmeya 11:15

Maweja-Nangila udi wamba ne: tshisamba tshindi munange katshiena ne muoyi umue to. Tshidibu bakeba kundi mu nzubu wanyi wa tshijila ntshinyi? Badi bela meji ne: padibu bandaya malu, padibu bandambula milambu, dikenga kadiena kabidi mua kubakuata anyi? Ke tshidibu bakeba anyi?

Misambu 127:2

Nansha nuenu kabidi bajuka patshiatshia, bapitshisha diba dia kulala, baditatshisha bua kupeta tshiakudia tshienu, bidi tshianana. Maweja-Nangila udi utshipesha bantu bende, badiye munange patshidibu balale.

Misambu 22:8

Badi bammona, banseka, babeteka ku mishiku, bakupa mitu, bamba ne:

Misambu 20:6

Nanku netuele mbila ya disanka, bualu neutshimune ne bukole bua Muena Kulu. Netusempele ne dibendela, tutumbishe Mvidi Mukulu wetu! Maweja-Nangila akumbaje bionsu biudi umulomba.

Dielulula 33:12

Moshe kuela ndelanganyi ya Binyamine lupemba, wamba ne: “Binyamine ntshisamba tshidi Maweja-Nangila mupite kunanga. Badi basomba talala pabuipi ne Mvidi Mukulu wabu. Maweja-Nangila udi ubalama matuku onsu, usomba munkatshi muabu.”

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

Misambu 71:20

Udi mummueneshe mabika ne mala. Kadi neumfululule, ungepule ku lukita.

Misambu 75:9

Mu bianza bia Maweja-Nangila mudi dikopu dia maluvu, dia maluvu a buanji mamane kuzaza. Ke maluvu a tshiji tshia Mvidi Mukulu. Udi wanuisha bantu babi ba pa buloba. Badi ne bua kuanua bonsu, kuajikija too ne binyindanyinda, kushiya dikopu munda mutupu.

Yeshaya 51:17

Wewe Yerushalayime, kankamana. Kankamana, juka panshi. Maweja-Nangila uvua mukupeshe dikopu diuwule tente ne tshiji tshiende. Wewe kudinua kumana! Tshinyingunyingu kukuenza!