Misambu 53:2 - MUKANDA WA MYIDI MUKULU

² Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Mukanda wa Nzambi Dihungila Dikulukulu ne Dihungila Dihia-dihia 2003

² Nzambi wa mu diulu wakatangila hanshi hadi bana ba bantu, bua kumoneye ne, Umue wabo udi wenza bu muena meji, anyi? Umue wabo udi ukeba Nzambi, anyi?

Misambu 53:2 交叉引用

Yeshaya 55:6

Nuye bonsu kudi Maweja-Nangila, bualu mpindiewu udi munuindile! Numuele lubila, bualu udi pabuipi nenu.

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Misambu 27:8

Ndi mvuluka miaku yebe ya ne: “Pingana kundi.” Ke pandi mpingana kuudi wewe, Maweja-Nangila.

2 Kulondolola 19:3

Bushuwa malu makuabu auvua muenze adi mempe. Mu ditunga diebe uvua muoshe makunji a kutendelela nawu mvidie mukaji Ashera. Uvua muitabe, mutumikile kabidi Maweja-Nangila ne muoyi webe mujima.

Yirmeya 16:17

Bualu ndi ntangila bimpe tshidibu benza. Kakuena tshidi mua kunjimina. Tshilumbu tshiabu ndi mutshimanye.

Misambu 102:19

Bafundile ndelanganyi itshidi kumpala bualu ebu, bua bantu badi Maweja-Nangila mufukulule, bamutumbishe.

Misambu 11:4

— Maweja-Nangila udi mu nzubu wende wa tshijila. Maweja-Nangila udi ne nkuasa wende mu diulu. Udi utangila bantu miaba yonsu idibu, uteta bionsu bidibu benza.

Misambu 10:4

Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Dielulula 4:6

Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”