Misambu 37:11 - MUKANDA WA MYIDI MUKULU

¹¹ Kadi bakengi nebapete ditunga. Nebasombemu ne disanka divule.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi badi ne mitshima mihuekele nebahiane buloba, mioyo yabo neyisanke mu ditalala dikumbane.

Misambu 37:11 交叉引用

Matayi 5:5

Bantu badi ne bupole, ke bena diakalenga, bualu nebapiane buloba buvua Mvidi Mukulu mubalaye!

Yeshaya 26:3

Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Yakobe 3:13

Munkatshi muenu mudi muntu wa meji ne wa lungenyi anyi? Abileje ku malu mimpe adiye wenza, ku butalale bua malu, ne ku meji adiye ufila.

Misambu 119:165

Bantu badi bananga mikenji yebe, badi ne disanka dia bungi, kabena mua kutetuka.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.

Misambu 72:7

Matuku adiye mu bukalenga, bakose nsambu amu pa yoyi. Bupole ne diakalenga bivulangane mu ditunga, too ne muajimina ngondu kashidi!

Misambu 36:8

Mvidi Mukulu wanyi, wewe udi utunanga bikole; ke patudi tusokomena mu mapuapua ebe.

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Misambu 25:13

Muntu awu neikale muena diakalenga. Bana bende nebapiane buloba.

Yeshaya 57:13

Paudi wela lubila, ulomba diambuluisha, mvidie yebe yonsu ayi ikupandishe, tumone! Kadi mvunde neaye nayi, lupepele neluyikombe! Amu bantu badi batekemena kundi, nebapiane ditunga, nebasombe pa mukuna wanyi wa tshijila.