Misambu 36:6 - MUKANDA WA MYIDI MUKULU

⁶ Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Buakane buebe budi bu mikuna ya Nzambi, kulumbulula kuebe kuakane kudi bu ndondo wa mu mai manene. Yehowa, wewe udi ulama bantu ne nyama bua kuikalabi ne muoyo.

Misambu 36:6 交叉引用

1 Timote 4:10

Ke patudi tukuata mudimu, tudibamba, bualu tudi batekemene kudi Mvidi Mukulu udi ne muoyi, udi Musungidi wa bantu bonsu, nangananga wa bena ditaba.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Misambu 77:19

Munkatshi mua mikungulu ya mvula, mipenya ivua ikuatshisha bantu bowa, buloba buvua buzakala ne bowa.

Misambu 71:19

Mvidi Mukulu, buakane buebe budi butua mulu, butua panshi. Udi muenze malu a dikema! Mvidi Mukulu wanyi, kakuena udi mufuanangane nebe.

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Misambu 145:9

Maweja-Nangila udi musue bantu bonsu, udi munange bonsu badiye mufuke.

Misambu 97:2

Dituku ne miidima bidi bimunyungulukila. Buakane ne dikosa dia nsambu, ke bidi bishindika bukalenga buende.

Misambu 92:5

Maweja-Nangila, malu audi muenze, adi manguwule munda tente ne disanka, ndi nganyisha biudi muenze.

Rome 3:25

Mvidi Mukulu uvua mufile Yezu Kristu bu mulambu, bua bantu badi bamuitaba bapete dijimija dia mibi ku lufu luende. Ke muvua Mvidi Mukulu musue kuleja mudiye ubinga: kale uvua ulama lutulu, kayi unyoka bantu bua malu abu mabi.

Yona 4:11

Nanku, meme tshiena mua kufuila tshimenga tshinene tshia Ninive luse anyi? Mu tshimenga emu mudi bantu bapite pa binunu lukama ne makumi abidi, badi kabayi bamanye mua kudisunguluila bidi bibalengelela, mudi kabidi bimuna bipite bungi.

Yeshaya 40:28

Kuena mumanye anyi? Kuena mumvue bamba ne: Maweja-Nangila udi Mvidi Mukulu wa tshiendelele. Uvua mufuke buloba bujima. Katshia kena uteketa, kena upungila. Meji ende kabena mua kuajingulula.

Misambu 147:9

Udi udisha nyama ne bana ba tshikololu, padibi bikeba tshiakudia.

Yobe 37:23

Mvidi Mukulu mmuena bukole buonsu. Katuena mua kusemena pabuipi nende. Udi munene. Bidiye wenza bionsu bidi bimpe. Kena ukengesha muntu. Tshidiye ne bua kutuambila ntshinyi?

Yobe 7:20

Nansha meme muena tshibawu, bidi bikutonda bua tshinyi, paudi musue amu kutentekela bantu? Ndi mukuenze bujitu anyi? Udi uludika mikete yebe, bua inkuate amu meme bua tshinyi?

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

1 Samuele 14:15

Bena Peleshete bavua bashala mu mitanda, ne bena mutumba nabu bonsu, kutshinabu bena Izrayele bikole. Bena mvita bonsu ba bena Peleshete, ne bavuabu bateke bua kutentekela ditunga, ne bavua bamanye mvita bikole, kutshina bikole, buloba mene kuzakala. Ke bena Peleshete bonsu kupapuka, bikale ne bowa bunene.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Ekesode 9:28

Numulombe: alekele kulokesha mvula wa makubakuba ne mabue, bualu mbimane kuntonda. Nennulekele, nuye. Tshiena nnulama kabidi to.

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Dielulula 7:9

Nuenu bena Izrayele, numanye ne: Maweja-Nangila Mvidi Mukulu wenu nkayende ke Mvidi Mukulu wa bushiwa. Yeye udi ulama ndondu wende too ne ku ndelanganyi tshinunu. Udi unanga amu kunanga bantu bonsu badi bamunanga, bamutumikila.

Misambu 31:20

Kadi Maweja-Nangila, bantu badi bakuitaba, udi ubenzela bimpe bitambe. Bantu bonsu badi bamona bilenga biudi upesha badi banyemena kuudi.

Muadi 3:23

Buimpe buende budi bumueneka dinda dionsu. Maweja-Nangila, wewe udi ukumbaja malaya ebe!