Misambu 34:18 - MUKANDA WA MYIDI MUKULU

¹⁸ Padi bantu bende bamutendelela, Maweja-Nangila udi ubateleja, ubumusha ku makenga abu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yehowa udi ha buihi ne bantu badi ne mitshima idi itamba kunyingalala, udi Usungila badi ne mitshima ya majia.

Misambu 34:18 交叉引用

Misambu 147:3

Udi usamba bantu badi ne dibungama mu muoyi, ubondapa padibu batapika.

Misambu 145:18

Maweja-Nangila udi pabuipi ne bantu badi bamubila, udi pabuipi ne bonsu badi bamubila ne muoyi umue.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Misambu 51:17

Maweja-Nangila, bulula mukana muanyi, bua mmone mua kukutumbisha.

Yezekiyele 36:26

Nennupe muoyi mupiamupia. Nembueje mueyelu mupiamupia munda muenu. Nengumushe muoyi wenu mupape bu dibue, mpingaja muoyi wa muntu.

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

Misambu 85:9

Ndi musue kuteleja tshidi Mvidi Mukulu wamba. Maweja-Nangila udi wamba bua ditalala, dia bantu bende, badi bamulamate, ne badi batekemena kudiye.

Yeshaya 55:6

Nuye bonsu kudi Maweja-Nangila, bualu mpindiewu udi munuindile! Numuele lubila, bualu udi pabuipi nenu.

Luke 4:18

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Misambu 119:151

Maweja-Nangila, wewe udi pabuipi, bantu batekemene meyi ebe onsu.

2 Bakalenga 22:19

Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

Yezekiyele 36:31

Nanku nenuvuluke munuvua basombe bibi, benza malu mabi. Nenunyingalale bua bilema bienu, ne bua malu enu mabi anuvua benza.

Misambu 75:1

Musambu wa mu mukanda wa mulombodi wa bena misambu, wa kuimba bu musambu wa “Kubutuishi…” Musambu wa mu mukanda wa misambu ya Asafe.

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Misambu 18:7

Dikenga kumpita, meme kubikila Maweja-Nangila, mmuela mbila bua angambuluishe. Maweja-Nangila mu nzubu kumvua diyi dianyi, muadi wanyi kufika kudiye.

Misambu 145:19

Udi witaba malomba a badi bamulamate, ubasungidila padiye umvua bamubila.