Misambu 34:16 - MUKANDA WA MYIDI MUKULU

¹⁶ Maweja-Nangila udi utangila bantu bende, uteleja padibu bamubila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mpala wa Yehowa udi mutangisha kudi benji ba malu mabi bua kubakengesha, bua kujimisheye tshivulukidi tshiabo ha buloba.

Misambu 34:16 交叉引用

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Yirmeya 44:11

Yirmeya kujikija meyi ende, wamba ne: — Ke padi Maweja-Nangila wa bukole buonsu, Mvidi Mukulu wa Izrayele, wamba ne: “Ndi musue kunutumina makenga. Ndi musue kubutula tshisamba tshia Yuda tshionsu.

Yirmeya 17:13

Maweja-Nangila, bena Izrayele badi bakutekemena amu wewe. Nanku badi bakubenga, bundu buasangana kubakuata anyi? Buabakuata! Bonsu badi bakubenga wewe, mbajimine bu mena adibu bafunde mu lupuishi. Bualu mbumuke kuudi wewe, Maweja-Nangila mpokolu wa muoyi.

Yobe 18:17

Bantu kabakumuvuluka kabidi mu ditunga. Kabakutela dina diende muaba nansha umue.

Lewitiki 17:10

“Padi muena Izrayele nansha muenyi udi munkatshi mua bena Izrayele, udia mashi a mushindu onsu, nanku Maweja-Nangila neamunyoke, amuipate munkatshi mua bena Izrayele.

Amosa 9:4

Padi baluishi babu babakuata, baya nabu kuabu kule, mu bupika, nentume diyi bua babashipe kuine aku. Nembabambishe miaba yonsu, ki mbua kubambuluisha nansha, kadi bua kubabutula.”

Muambi 8:10

Meme kumona bantu babi bavuabu bajika. Bantu babi abu bavua bayayaya pabu mu nzubu wa Mvidi Mukulu. Nanku bantu bakavua bamane kupua muoyi malu awa bantu babi aba benza mu tshimenga tshia Yerushalayime. Ebi bionsu kabidi bidi amu tshianana.

Misambu 10:16

Maweja-Nangila udi Mukalenga kashidi tshiendelele. Badi batendelela mvidie mikuabu nebajimine mu ditunga diende!

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Yobe 36:7

Udi ulama badi bamulamate. Bakalenga badi mu nkuasa wa bumfumu, Mvidi Mukulu ke udi mubatekemu, bua bukalenga buabu bunenge. Kadi badi baditambisha.

Misambu 18:7

Dikenga kumpita, meme kubikila Maweja-Nangila, mmuela mbila bua angambuluishe. Maweja-Nangila mu nzubu kumvua diyi dianyi, muadi wanyi kufika kudiye.

Misambu 33:18

Kadi Maweja-Nangila udi ulama bantu bende, ukuba badi batekemena bulenga buende.

Misambu 94:9

Maweja-Nangila ngudi muase muntu ditshi, apange yeye kumvua? Yeye ngudi mufuke disu, apange yeye kumona?

Nsumuinu 15:29

Maweja-Nangila kena munange bantu babi. Kadi udi uteleja padi bantu bakane balomba.