Misambu 29:11 - MUKANDA WA MYIDI MUKULU

¹¹ Maweja-Nangila apeshe bantu bende bukole, abele lupemba, abasombeshe mu bupole.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa neaheshe bantu bandi bukole, Yehowa neasankishe bantu bandi ne ditalala.

Misambu 29:11 交叉引用

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

2 Tesalonike 3:16

Mfumu udi ufila bupole, anupe ditalala diba dionsu ne mishindu yonsu. Mfumu ikale nenu bonsu.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Yeshaya 40:29

Muntu udi mutekete, Maweja-Nangila udi umupingajila makanda. Badi bapanga bukole, udi ubuwuja tente nabu.

Misambu 68:35

Ambilayi bantu bonsu ne: Mvidi Mukulu udi ne bukole, udi Mukalenga munene mu Izrayele, butumbi buende mbutue mulu, mbutue panshi!

Misambu 37:11

Kadi bakengi nebapete ditunga. Nebasombemu ne disanka divule.

1 Korente 1:3

Dinanga ne bupole bia kudi Mvidi Mukulu Tatu, ne bia kudi Mfumu Yezu Kristu, bishindame munda muenu.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Zekâya 10:12

Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Misambu 138:3

Pamvua mukubikile, uvua munteleje; wewe kumpetesha muoyi mukole ne dikanda.

Zekâya 10:6

Nenkankamike tshisamba tshia Yuda, nensungidile bena Izrayele. Nembapingaje mu ditunga diabu tshiakabidi, nembaleje mundi mubanange. Nebikale tshiakabidi bu tshikondu tshimvua tshiyi muanji kubabenga. Ndi Maweja-Nangila Mvidi Mukulu wabu, nembapeshe bidibu bandomba.

Misambu 72:3

Ku bulongolodi buende, bupole bubuele mu ditunga, bubanji bupueke mu mikuna.

Efeze 2:17

Nanku Kristu mmufike bua kumanyisha bantu Lumu lua Disanka, ludi lufila bupole kudi bantu bonsu, kunudi nuenu bantu ba bisamba bikuabu batua kabayi pabuipi ne Mvidi Mukulu, ne kudi bena Yuda batua pamue nende.

Misambu 85:8

Maweja-Nangila, utuleje buimpe buebe, utuambuluishe.

Misambu 84:7

Padibu bapitshila mu tshibandabanda tshiume, Mvidi Mukulu udi utshikudimuna, utshienza muaba mutalale wa mayi, nansha mvula mbedi udi utshibuikila ne majiba.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Misambu 85:10

Bulelela, diambuluisha diende didi pa buipi ne badi bamutshina, butumbi buende nebushale mu ditunga dietu.

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

Misambu 72:7

Matuku adiye mu bukalenga, bakose nsambu amu pa yoyi. Bupole ne diakalenga bivulangane mu ditunga, too ne muajimina ngondu kashidi!

Yeshaya 26:12

Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.