Misambu 25:2 - MUKANDA WA MYIDI MUKULU

² Mvidi Mukulu wanyi, ndi ndifila kuudi. Kumfuishi bundu, bena lukuna banyi kabanseki!

Mukanda wa Nzambi Dihungila Dikulukulu ne Dihungila Dihia-dihia 2003

² Nzambi wanyi, nakukueyemena wewe; kuitabushi bua banfuishe bundu; kuitabushi bua bena lukuna banyi bampite bukole.

Misambu 25:2 交叉引用

Rome 10:11

Ke padi Mukanda wa tshijila wamba ne: “Yonsu udi umuitaba, kakufua bundu.”

Misambu 41:11

Kadi wewe Maweja-Nangila, umfuile luse, umpingajile bukole, bua mmone mua kudisombuela, kubanyoka.

Misambu 71:1

Maweja-Nangila, ndi nyemena kuudi, kumfuishi bundu.

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Misambu 22:5

Bankambua betu bavua batekemena kuudi, wewe kubasungidila.

Misambu 142:6

Ndi ngela lubila kuudi wewe, Maweja-Nangila, ngamba ne: wewe ke tshisokomenu tshianyi, ke tshianyi tshintu tshindi natshi, mu buloba ebu butudi basombe.

Misambu 31:1

Musambu wa mu mukanda wa misambu ya Davide, wa mu mukanda wa mulombodi wa bena misambu.

Yeshaya 37:35

Nendame Yerushalayime, nemmusungidile, bualu ndi Mvidi Mukulu, kabidi ndi munange muntu wanyi Davide.”

Misambu 34:8

Mutumibue udi ulama bantu ba Maweja-Nangila, ubumusha ku njiwu yonsu.

Yeshaya 26:3

Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Misambu 94:3

Maweja-Nangila, bantu babi nebikale ne disanka too ne diba kaayi?

1 Petro 2:6

Bualu badi bafunde mu Mukanda wa tshijila ne: “Ndi mudisunguile dibue dia mushinga mukole, dindi nteka mpindiewu bu dibue dia mu ditumba pa mukuna wa Siyone. Udi utekemena kudidi, kakufua bundu musangu nansha umue.”

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Misambu 37:40

Udi ubambuluisha, ubalama bimpe, ubasungidila kudi bantu babi, bualu bavua banyemena kudiye.

Misambu 18:2

Maweja-Nangila, ndi mukunange, Wewe udi bukole buanyi.

Misambu 7:1

Kayenga ka mu mukanda wa misambu ya Davide, kavuaye muele Maweja-Nangila pavua Kushe, muena Binyamine, mumufunde.

Misambu 22:8

Badi bammona, banseka, babeteka ku mishiku, bakupa mitu, bamba ne:

Misambu 22:1

Musambu wa mu mukanda wa misambu ya Davide, wa mu mukanda wa mulombodi wa bena misambu, wa kuimba ne muadi bu wa “Ngulungu wa tshienda patshiatshia.”

Yeshaya 41:16

Neupepule mikuna, lupepele neluye nayi! Mvunde neayitangalaje. Kadi wewe neusanke, bualu meme ndi Maweja-Nangila webe, ndi nkusankisha. Neungele tuasakidila muvule, bua bidi Wa tshijila wa bena Izrayele ukuenzela.

Yeshaya 37:10

mukalenga wa bena Yuda, muntu bua kumuambila ne: “Wewe udi mutambe kutekemena amu kudi Mvidi Mukulu webe. Udi wela meji ne: Mvidi Mukulu neankandike bua meme kukuata tshimenga tshia Yerushalayime anyi? Kadi Mvidi Mukulu kakushimi to.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Misambu 56:1

Musambu wa mu mukanda wa mulombodi wa bena misambu. Wa kuimba ne meyi a “Nkudimba pa mitshi minene ya kule.” Kasala ka mukanda wa misambu ya Davide, musaka diba divua bena Peleshete bamukuate mu Ngate.

2 Kulondolola 13:18

Tshikondu atshi, bena Izrayele kukuatshika bundu. Bena Yuda kutshimuna, bualu bavua bitabe Maweja-Nangila, Mvidi Mukulu wa bankambua babu.

Misambu 13:5

Kuanyishi bua baluishi banyi baditambishe ne: tuamutshimunyi, nansha bua bankinyi badiela mulu ne: tudi bamutekeshe.

Misambu 31:2

Maweja-Nangila, ndi nsokoma kuudi. Unsungidile, kumfuishi bundu, bualu ke tshiuvua mulaye.

Misambu 31:15

Kadi meme ndi mueyemine amu kuudi wewe, Maweja-Nangila, ngamba ne: “Wewe ke Mvidi Mukulu wanyi!”

Misambu 91:2

Muntu awu neambile Mvidi Mukulu ne: “Wewe udi musoku mukolesha undi nsokomena, wewe ke Mvidi Mukulu wanyi, undi ngeyemena.”

Yirmeya 17:18

Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.