Misambu 22:27 - MUKANDA WA MYIDI MUKULU

²⁷ Ndi mbikila bapela, badie buukute! Bantu badi batendelela Mvidi Mukulu, nebamutumbishe, balale panu, baboboke!

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Misambu 22:27 交叉引用

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Misambu 2:8

Wewe mundombe bisamba bionsu, nenkupeshabi, bishale biebe. Bumfumu buebe nebufike ku ntengu ne ntengu ya buloba.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Misambu 96:7

Nuenu bantu ba matunga onsu, luayi nunemekele Maweja-Nangila, numanyishe butumbi ne bukole buende.

Misambu 72:11

Bakalenga bonsu nebamukukuile, bisamba bionsu nebimuenzele mudimu.

Misambu 117:1

Bisamba bionsu, tumbishayi Maweja-Nangila, muimbilayi misambu,

Misambu 102:22

Nenku, nemmanyishe bena Siyone lumu lua Maweja-Nangila, nebamutumbishe mu Yerushalayime,

Misambu 72:8

Mukalenga adie bumfumu ku mayi manene too ne ku makuabu, ku musulu wa Perate too ne ku ntengu ya buloba.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

Rome 16:26

Kadi mpindiewu bavua baaleje patoke. Mikanda ya bambi idi ijadika nanku. Mvidi Mukulu mmufume diyi bua bamanyishe bisamba bionsu meji masokome aa, bua bitabe Lumu lua Disanka, bitamikile Mvidi Mukulu.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 14:15

— Bana betu, tshinudi nuenza nunku ntshinyi? Tudi amu bantu bu nuenu. Tudi tunumanyisha Lumu lua Disanka, bua nulekele nwidie yonsu ya tshianana eyi, nupingane kudi Mvidi Mukulu wa muoyi, udi mufuke diulu, buloba, mayi manene, ne bionsu bidimu.

Yeshaya 49:12

Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Misambu 98:3

Uvua muvuluke malu ende makane, ne bulelela buende kudi bena Izrayele. Bantu bonsu too ne ku ndekelu kua buloba, badi bamona Mvidi Mukulu wetu uvua mutusungidile.

Dibadika 10:32

Wewe muye netu, netukusankishe ne bintu bituikala bapete kudi Maweja-Nangila, bu muvuaye mutulaye.

1 Kulondolola 16:10

Sankayi, nudisue, bualu tudi bantu bende. Nuditembe bualu yeye ke Mvidi Mukulu wa tshijila. Nuenu badi batendelela Maweja-Nangila, sankayi.

Misambu 69:33

Bantu bapuekele nebamone bionsu ebi, nebasanke. “Nuenu bonsu badi bakeba Mvidi Mukulu, nulale panu nuboboke.

Yeshaya 29:19

Maweja-Nangila neavudijile bantu bapuekele disanka. Bantu badiombola ba mu buloba, nebasanke, bualu bua Maweja-Nangila wa tshijila, Mvidi Mukulu wa Izrayele.