Misambu 18:9 - MUKANDA WA MYIDI MUKULU

⁹ Muinshi kupatuka mu diulu diende, kapia ka tshinyangu mukana muende, kela tuntolentole, kosha.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakinamisha diulu kabidi, wakahueka biandi hanshi; midima mikole yakadi muinshi mua makasa andi.

Misambu 18:9 交叉引用

Dielulula 33:26

Pashishe Moshe kuamba ne: “Nuenu bena Yeshurune, numanye ne: kakuena mvidie udi ufuana Mvidi Mukulu wenu. Udi upitshila mu diulu, upueka, wenda pa mavuba, anu bua kuvua kunuambuluisha.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

2 Petro 3:10

Kadi dituku dia Mfumu nedifike bu muivi. Dituku adi diulu nedibutuke ne mutoyi mukole. Kapia nekoshe bia mulu bionsu. Buloba ne bidipu bionsu nebijimine.

Ebrewu 12:26

Diba adi, diyi diende divua dizakaje buloba. Kadi mpindiewu udi utulaya ne: “Nenzakeje musangu wa ndekelu, ki anu buloba nkayabu, kadi ne diulu kabidi.”

Yowanane 13:7

Yezu kumuandamuna ne: — Tshindi ngenza etshi, kuena mutshimanye mpindiewu to. Kadi neutshijingulule pashishe.

Marke 15:33

Diba dia dikumi ne dibidi munda munya, miidima kuenzeka mu ditunga dijima, kunengayi too ne ku diba isatu wa ku mapingaja.

Matayi 24:29

— Pajika matuku a dikenga awu, diakamue diba kadiakumueneka kabidi, ngondu kakukenka, mitotu neituke mulu, makole a mulu neanyungakane.

2 Samuele 22:10

Maweja-Nangila kuinyika diulu, kutuluka panshi, divuba difike muinshi mua makasa ende.

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Misambu 68:4

Kadi bantu ba Mvidi Mukulu nebamutumbishe, Nebasanke batue tshianga!

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Misambu 50:3

“Mvidi Mukulu wetu afike! Alekele kupuwa!” Kapia kanene kadi kamudianjidila, lupepele lua mvunde lumuela munkatshi.

Misambu 97:3

Kapia kadi kadianjila kumpala kuende, kadi kuosha baluishi bende, kabanyunguluka nseke yonsu.

Yeshaya 66:15

Tangilayi Maweja-Nangila udi ufika mu kapia. Matempu ende a mvita adi afika bu mvula wa tshipupu. Maweja-Nangila mmuwule ne kanyinganyinga, udi ufika bua kujikija tshiji tshiende, kukumbaja mu ndimi ya kapia bivuaye muambile bantu ne mikanu.