Misambu 18:29 - MUKANDA WA MYIDI MUKULU

²⁹ Maweja-Nangila udi untokeshila njila, umusha miidima muaba undi ngenda.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ E binuikala nʼebe, ndi mua kutshimuna mualu wa bena nvita, ne ku dikuatshisha dia Nzambi wanyi ndi mua kutuhika lumbu.

Misambu 18:29 交叉引用

2 Samuele 22:30

Patudi nebe ndi ntupika, mbanda pa bimana. Mvidi Mukulu wanyi, paudi ungambuluisha, ndi mua kutupika bimana bikole.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Kolose 2:15

Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

Misambu 144:10

“Wewe ngudi wambuluisha bakalenga, ngudi upandisha muena mudimu webe Davide.”

Misambu 144:1

Musambu wa mu mukanda wa misambu ya Davide. Ndi ngela Maweja-Nangila, Lubuebue luanyi tuasakidila, yeye ngudi undongesha mua kuluangana mvita.

2 Samuele 5:25

Davide kuenza amu muvua Maweja-Nangila muambe. Ke pavuaye mutshimune bena Peleshete, kubalondakaja biangatshile ku Ngeba too ne ku tshibuelelu tshia musoku wa Ngezere.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 30:8

Davide kukonka Maweja-Nangila ne: — Meme mulondakaje bivi aba, nembapete anyi? Maweja-Nangila kuitaba ne: — Eyowa, balondakaja, neubapete. Neusungidile bantu badibu bakuata.

1 Samuele 17:49

Kuambulaye lusoka mu nsapu wende, kuluteka mu ndundu. Kuluasaye Ngoliyate mu mpala, kubuelalu. Ngoliyate kudishinda, mutue mpala panshi.

Yobe 29:3

diba divua Mvidi Mukulu untemeshila muendu wende, butoke buawu bungambuluisha bua meme kupita mu miidima!

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.