Misambu 18:28 - MUKANDA WA MYIDI MUKULU

²⁸ Udi usungidila badi badipuekesha, upetula badi baditambisha.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ E, udi untemeshila muinda wanyi; Yehowa Nzambi wanyi udi untokeshila midima yanyi.

Misambu 18:28 交叉引用

Yobe 29:3

diba divua Mvidi Mukulu untemeshila muendu wende, butoke buawu bungambuluisha bua meme kupita mu miidima!

2 Samuele 22:29

Maweja-Nangila, udi muendu wanyi, Eyowa, Maweja-Nangila, udi ushintulula midima yanyi, uyenza butoke.

Yeshaya 42:16

Kadi nendudike bantu banyi, batshivua bashale bampofu, mu njila udibu katshia kabayi bayile. Nenkudimune miidima, yenze munya, bua bantu bende bimpe. Ndi ndandakaja miaba idi biina. Ke bindi musue kuenza. Nembikumbaje, tshiyi ndekela.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Matayi 4:16

Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Luke 1:79

Butoke abu nebutokeshe badi mu miidima ne mu dijimba dia lufu, nebuludike makasa etu mu njila wa bupole.

Nsumuinu 20:27

Kondu ka munda ke muendu udi Maweja-Nangila mupeshe muntu, bua kumuleja patoke malu adiye nawu munda muende.

Misambu 112:4

Munya udi utema mu miidima bua kutokeshila bantu bakane, Maweja-Nangila udi ne dinanga, udi ufuila bantu luse.

Yeshaya 62:1

Bu mundi nkunanga, Yerushalayime, tshiakupuwa to. Bu mundi nkunanga Siyone, tshiakushala amu patupu, tshiyi ngenza bualu to. Nensengelele Mvidi Mukulu too ne ku diba didi lupandu luebe lumueneka, mudi butoke bukenka mu munya, ne tshimunyi tshia kapia butuku.

Misambu 132:17

Nempatuishe mukalenga wa lumu, wa ku ndelanganyi ya Davide mu Siyone. Nentekemu mukalenga undi mulabe manyi, bu mudibu bateka muendu mutemesha.

Yobe 18:6

Diakalenga diende didi dijimina. Muendu wende kawena ukenka kabidi to.

1 Bakalenga 15:4

Kadi, Maweja-Nangila Mvidi Mukulu wende uvua anu mumupeshe muana wa balume, uvua mua kumupingana mu bukalenga, bua bena nzubu wa Davide, kabumuki bonsu mu bukalenga to, kabidi bua Yerushalayime ashale tshimenga tshia bukalenga. Maweja-Nangila uvua wenzela nanku, anu bualu bua Davide,

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.