Misambu 18:20 - MUKANDA WA MYIDI MUKULU

²⁰ Maweja-Nangila kumpatula mu njiwu. Bu mudiye munnange, kunsungidilaye.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakanfuta difutu diakadi dikumbana buakane buanyi; wakampingashila difutu bu muakadi butoke bua bianza bianyi.

Misambu 18:20 交叉引用

Misambu 24:4

— Ke bena ku muela kakuyi mashi, ba muoyi mutoke, kabayi bela meji mabi, kabayi baditshipa mitshipu ya dishima.

1 Korente 3:8

Mudimu wa mukunyi, ne mudimu wa mumiaminyi wa mayi, udi wa mushinga wa momumue. Mvidi Mukulu neafute muntu yonsu diende difutu, bilondeshile mushindu udiye ukumbaja mudimu wende.

Matayi 6:4

Nanku diambuluisha diebe dikale dia mu musokoku. Mvidi Mukulu, Tatu webe, udi umona biudi wenza mu musokoku, neakufute.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Misambu 58:11

Padi Mvidi Mukulu usombuela bantu babi aba, bantu bende nebasanke, badiate mu mashi a baluishi babu.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”

Yeshaya 49:4

Kadi meme, mvua ngela meji ne: mvua mukuate mudimu wanyi tshianana, mvua mudibambe muanyi muonsu, kakuyi tshipeta nansha tshimue. Kadi Maweja-Nangila neapeshe bindi ne bua kupeta. Mvidi Mukulu wanyi neansankishe.

Yobe 22:30

Udi usungidila bantu badi kabayi ne bualu. Udi upandisha badi kabayi ne katoba ku bianza,

Misambu 26:6

Nengowe bianza, ndeja ne: tshiena ne bualu. Maweja-Nangila, nentendelele, nyungulukile tshilambuilu tshiebe.

Misambu 18:24

Ndi musue bionsu bivuaye mujinge, ndi mudilame ku bubi.

Misambu 7:8

Sangisha bisamba bionsu pabuipi nebe. Zangama ku mutu kuabi mu nkuasa webe wa butumbi.

Misambu 7:3

Kuyi mumpandishe, nebansunsule bu ntambue, udi ubakula nyama, wende ukoka kakuyi udi mua kumunyenga.

1 Samuele 24:17

Davide ujikija kuakula, Shawule kumukonka ne: — Mulunda wanyi Davide, udi wakula nanku ngwewe menemene anyi? Shawule kudila muadi bikole.

Yobe 36:16

Kale, Mvidi Mukulu uvua mukumushe mu dikenga, mukupeshe disanka dinene. Pa mesa ebe pavua biakudia bisheme.

Misambu 31:9

Kuvua muanyishe bua baluishi bankuate. Wewe kunkopola, bua ngenze mundi musue.

Misambu 118:5

Pamvua mu dikenga, meme kubikila Maweja-Nangila, kungitabaye, kumpandisha.