Misambu 18:15 - MUKANDA WA MYIDI MUKULU

¹⁵ Kuasaye miketa, utangalaja baluishi banyi, kupenyaye bu muela wa mvula, ubapapula.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hashishe, nshila ya mu mai manene yakamueneka ku mesu, ne bishimikidi bia buloba biakasokolodibua, bua kubela kuebe, Yehowa, ne bua kuhuja kua muhuya wa mu diulu diebe.

Misambu 18:15 交叉引用

Misambu 106:9

Kukanyinaye mayi manene a Luepu, kukamawu diakamue, kupitshishaye bantu bende mu dijimba dile bu mudibu benda mu tshipela.

Ekesode 15:8

Ku bukole bua tshiji tshiebe, mayi kudisanga muaba umue. Mavuala onsu kukuatakana bu tshimana, mayi menza dibue munkatshi mua mayi manene.

Mika 6:2

Nuenu mikuna minene, telejayi, nuenu bitaku bidi kabiyi binyunga, bidi buloba bueyemena. Maweja-Nangila udi ufunda bantu bende ku tshilumbu. Udi musue bua baleje patoke bivuabu benza.

Yirmeya 31:37

Pikala muntu ne bukole bua kupima butumbuke bua diulu, pikalaye ne bukole bua kubuela mu kandondu ka buloba, diba adi, nembenge bena Izrayele bonsu, bua malu mabi avuabu benze. Ke malu adi Maweja-Nangila unumanyisha.

Misambu 104:5

Udi mushindike buloba pa bitaku biabu, kabuena mua kutenkakana too ne kashidi.

Misambu 76:6

Badi banyenga bintu bia bena mvita ba bukitu, bafuile ku tulu, kabavua ne mushindu wa kudisungila.

Yobe 4:9

Badi benza nanku, badi bakeba tshiji tshia Mvidi Mukulu. Tshidi tshibashipa, tshiya nabu bu mudi lupepele lua mvunde luenza.

2 Samuele 22:16

Pavua Maweja-Nangila utanda, pavuaye ne tshiji tshikole, muinshi mua mayi kumueneka, bitaku bia buloba kudileja patoke.

Misambu 74:15

Uvua mupatule mayi mu mpokolu ne mu tusulu, mumishe misulu minene ivua kayiyi mua kukama.

2 Bakalenga 19:7

Mukalenga neapete mukenji. Diba adi meme nemmuenzeje bua apingane mu ditunga diende. Meme nemmushipeshe mu ditunga diende amu.”

Yona 2:6

Mayi avua mankuate mu nshingu. Mavuala a muinshi mua mayi avua mangele munkatshi. Milembuelembue ivua munjingile ku mutu.

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

1 Samuele 7:10

Nanku, patshivua Samuwele ulambula mulambu, bena Peleshete bavua bamane kusemena pabuipi, bua kuluisha bena Izrayele. Kadi Maweja-Nangila kudidisha makubakuba makole. Bena mvita ba bena Peleshete kupapuka bikole ne bowa, bena Izrayele kutshimuna bena Peleshete.

Yobe 36:32

Udi wangata mikenya mu bianza biende, udi uyasa padiye musue.

Misambu 77:18

Mavuba akapatula muenji mukole, munkatshi mua mayi muvua mikungulu ya mvula, miketa yebe ivua ipitakana nseke yonsu.

Misambu 92:10

Bua baluishi bebe, Maweja-Nangila, bobu nebajimine, ne bonsu badi bakengesha bakuabu, nebatangalake.

Misambu 144:6

Penya miaba yonsu bu miele ya mvula, tuma mikete yebe miaba yonsu.

Zekâya 9:14

Maweja-Nangila neamueneke, ku mutu kua bantu bende. Mukete wende neuye bu muele wa mvula. Maweja-Nangila Mvidi Mukulu, neele mpungi, neafike munkatshi mua mvunde, udi ufuma kuinshi kua ditunga.