Misambu 18:14 - MUKANDA WA MYIDI MUKULU

¹⁴ Maweja-Nangila kudidisha makubakuba mu diulu. Mvidi Mukulu Muena kulu kuela diyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wakela mikete yandi, wakamuangalasha bena lukuna banyi; wakahenyisha miele ya nvula, wakabahita bukole.

Misambu 18:14 交叉引用

Misambu 144:6

Penya miaba yonsu bu miele ya mvula, tuma mikete yebe miaba yonsu.

Abakuke 3:11

Padi mikete yebe ipitakana lubilu, difuma diebe dikenka, dibalakana, diba ne ngondu bidi bimana, bibuela mu nzubu.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Misambu 77:17

Eyi, Mvidi Mukulu, padi mayi akumona, avua akuatshika bowa, avuanduluka too ne muinshi muawu.

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Yoshua 10:10

Maweja-Nangila kunyemesha bena Amore kumpala kua bena Izrayele. Bena Izrayele kushipela bena Amore bikole, pabuipi ne tshimenga tshia Ngibone. Bavua benda balondakaja bena Amore mu njila wa kubanda ku Bete-Orone, babipata too ne ku Azeka ne Makeda.

Dielulula 32:42

Mikete yanyi neitampakane mashi, muele wanyi neukose munyinyi. Baluishi banyi bonsu nebabutuke, nembakuate; nebatapike mputa.’ ”

Dielulula 32:23

Ndi musue kubavudijila makenga. Ndi musue kubasa mikete yanyi yonsu.

Dibadika 24:8

Mvidi Mukulu ke udi mupatule bena Izrayele mu Ejipitu, mubapatule ne bukole bua bungi bu bua nyama wa mbowa. Nebabutule baluishi babu. Nebazaze mifuba yabu, babase mikete mipite bungi.

Misambu 21:12

Padibu bakeba kukuenzela bibi, bakuelela bipangu, kabakukuenzela bualu to.

Yobe 38:35

Padi mikenya ya mvula yumuka, wewe ke udi uyituma anyi? Idi ikuambila ne: “Tudi tukumbaja diyi diebe” anyi?

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.

Yobe 37:4

Mukungulu wa mvula udi ulonda mikenya, udi utuma tshiona tshikole, diakamue Mvidi Mukulu udi upenyisha mikenya mikuabu.

Yobe 37:5

Tshiona tshikole tshidi tshikemesha bantu, bualu ntshishima tshidibu kabayi mua kujingulula.

Misambu 29:3

Mvidi Mukulu wa lumu udi ukungula. Diyi dia Maweja-Nangila didi diumvuika pa mayi. Maweja-Nangila udi uleja pa mayi manene, mudiye ne bumfumu.

Misambu 29:7

Diyi dia Maweja-Nangila didi dipenya bu muela wa mvula.

Misambu 77:18

Mavuba akapatula muenji mukole, munkatshi mua mayi muvua mikungulu ya mvula, miketa yebe ivua ipitakana nseke yonsu.

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?