Misambu 16:7 - MUKANDA WA MYIDI MUKULU

⁷ Ndi ngela Maweja-Nangila tuasakidila, bualu udi undudika. Nansha butuku kondu ka munda kadi kambela.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nenvudishile Yehowa disanka, wakumpa lungenyi; bulelela, mu meba a butuku mutshima wanyi udi unyisha.

Misambu 16:7 交叉引用

Misambu 73:24

Udi undombola mudi meji ebe, ku ndekelu neungakidile mu butumbi buebe.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Misambu 77:6

Ndi mvuluka matuku mapite, ndi ngela meji a bikondu bia kale, ndi ndala ngela meji butuku bujima. Ndi nganyina, nkeba mua kujingulula.

Misambu 17:3

Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Misambu 63:6

Wewe udi unsankisha. Ndi bu muntu udi udia, uukuta mu didia dia tshibilu. Nenkutumbishe, nkuela mbila ya disanka.

Misambu 42:8

Udi ungitshikijila mayi a muenji, mavuala enda avulangana, bipitshila bionsu pambidi panyi! Meme kudiina mu mayi ne kasuki!

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Yeshaya 26:9

Meme kabidi bufuku, ndi nkujinga. Ndi nkukeba ne muoyi wanyi mujima. Pawikala ulumbuluisha, unyoka bantu badi basomba pa buloba, nebamanye mua kusomba bimpe.

Nsumuinu 8:14

Mudimu wanyi nkubela ne kudimujangana. Ndi lungenyi mene. Meme ke udi upeshangana bukole.

Misambu 119:55

Maweja-Nangila, ndi nkuvuluka butuku, ndama mikenji yebe.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Luke 6:12

Tshikondu atshi Yezu uvua mubande ku mukuna bua kutendelela. Uvua mushaleku butuku bujima, utendelela Mvidi Mukulu.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

Misambu 119:7

Nenkutumbishe ne muoyi umue, ndonge malu malelela audi mupangadike.

Misambu 119:148

Ndi ntabala butuku kabuyi buanji kutshia, bua kuela meji ku malongesha ebe.

Misambu 77:2

Ndi ndidila Mvidi Mukulu ne diyi dikole bua dikenga dianyi. Ndi ndidila Mvidi Mukulu bua anteleje.

Misambu 22:2

Mvidi Mukulu wanyi, Mvidi Mukulu wanyi, wandekedi bua tshinyi? Meme kudila kukunza mesu, wewe nansha kunteleja! Udi ushala kule bua tshinyi?

Yirmeya 12:2

Udi mubakune, bobu kuela miji, kusampila, kukuama bimuma. Matuku onsu badi bakutela mukana, kadi muoyi wabu kawena kuudi.

Misambu 73:21

Pamvua ne kanyinganyinga, ngumvua bibi munda munda,