Misambu 15:5 - MUKANDA WA MYIDI MUKULU

⁵ Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kena usombesha bakuabo argent yandi bua kuangateye kasombela kudibo, kena witabusha dibueshila bua kunyangeye tshilumbu tshia muntu udi kayi ne bualu. Muntu udi wenza malu â kena unyungishibua tshiendelele.

Misambu 15:5 交叉引用

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Ekesode 22:25

“Tshilamba tshidi mukuebe udibuikila, wewe mutshikuate lukola, umupingajilatshi anu dituku dimue.

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Yezekiyele 18:8

Kena usombeshangana makuta bua kuvudija biuma biende, nansha bua kupeta makasa, Kena wambuluisha benji ba bibi. Kadi udi ukosa bilumbu anu pa biobi.

Yowanane 13:17

Mpindiewu nudi bamanye bualu ebu. Nuenu benze nanku, nenuikale ne disanka.

Nsumuinu 12:3

Muntu kena ushindama padiye wenza malu mabi. Kadi tshintu nansha tshimue katshiena tshishindisha bakane.

Misambu 112:6

Bualu kena mua kutekankana tshiendelele, nebavuluke muntu muakane matuku onsu.

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Misambu 55:22

Miaku yende ya lubombu mmisheme bu buitshi, kadi udi welangana amu meji a kuluangana mvita. Miaku mipepele idi ipatuka mukana muende, kadi idi amu bu muele wa ntapa kubidi.

Misambu 16:8

Ndi mvuluka Maweja-Nangila diba dionsu. Tshiena mua kuteketa, bualu udi nanyi

Matayi 26:15

Kubakonkaye ne: — Nenumpeshe tshinyi pandi mfila Yezu kunudi? Kubalabu nkanu ya tshiamu tshitoke tshia mushinga mukole makumi asatu, kumupeshabu.

Mika 7:3

Badi bamanye bimpe, mudibu mua kuenza malu mabi. Bamfumu ne bakoshi ba nsambu, badi balomba mabuejila. Bantu banene badi bamba majinga abu patoke, bashima bantu bua kuakumbaja.

Yezekiyele 18:27

Kadi muntu mubi udi ulekela kuenza malu mabi, ubanga kulonda njila wa buakane, neadisungidile.

Yezekiyele 18:17

Kena wambuluisha benji ba bibi. Kena usombeshangana makuta bua kuvudija biuma biende ne dipeta dia makasa. Mu tshikosu, udi witaba meyi ne mikandu bimvua muele. Nanku muntu awu kakufua bua bilema bia tatuende to. Bulelela neikale ne muoyi.

Yeshaya 33:15

— Amu udi ulonda njila mululame, unemeka bantu, wamba malu malelela, ubenga kukengesha bantu bua kupeta biuma, ubenga badi basue kumubuejila. Kena uteleja badi bamukoka ku dishipangana. Kena utangila, wanyisha badi benza bibi.

Ekesode 22:24

“Pikala muntu mupela wa mu tshisamba tshianyi ukenga, wewe mumusombeshe makuta, kumulombi tshia kasombela to.

Dielulula 23:21

Kadi nudi mua kulomba bintu bia kasombela, anu kudi muenyi udi munkatshi muenu. Kanulombi kudi muanenu. Nukumbaje mikenji eyi mu ditunga dinuakuata, bua Maweja-Nangila Mvidi Mukulu wenu anuele lupemba mu bionsu binudi nuenza.

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

Nsumuinu 10:30

Muntu udi ulamata Mvidi Mukulu udi ushindama kashidi. Kadi babi kabakusomba mutantshi mu ditunga to.

Nsumuinu 15:27

Muntu udi ne lukuka lua biuma udi ukebela nzubu wende kabutu. Udi kayi wangata mabuejila nealale matuku mavule.