Misambu 148:4 - MUKANDA WA MYIDI MUKULU

⁴ Tshibuashibuashi tshia mulu, nuenu kabidi mayi adi madiunguije mulu, numutumbishe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Umutumbisha, wewe diulu dia ha mutu ha diulu; nuenu, mai adi ha mutu ha diulu, numutumbishe!

Misambu 148:4 交叉引用

1 Bakalenga 8:27

“Kadi Maweja-Nangila udi mua kusomba pa buloba anyi? Diulu, nansha diodi dialabale, kadiena mua kumukumbana to! Mudiye mua kusomba mu kazubu kandi muibake aka mbishi?

Genese 1:7

Mvidi Mukulu kufuka tshibuashibuashi bua kupandulula mayi adi muinshi ne adi mulu. Kuenzekabi nanku.

Dielulula 10:14

Diulu dijima, buloba ne bionsu bidipu, mbintu bia Maweja-Nangila Mvidi Mukulu wenu.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

2 Korente 12:2

Ndi mumanye muena Kristu kampanda, uvuabu bambule, baye nende mu diulu muamua menemene, kukadi bidimu dikumu ne binayi. (Tshiena mumanye ne: uvua muye ne mubidi wende anyi Mvidi Mukulu mumuleje mu lungenyi malu a kuaka. Mvidi Mukulu nkayende ke udi mumanye.)

Misambu 113:6

kadi, udi utangila panshi apa nnganyi? Kakuena muntu, nansha mu diulu, nansha pa buloba!

Misambu 104:3

Udi muase nzubu webe wa mulu pa mayi, udi ubanda pa mavuba bu pa ditempu diebe, udi uya ne lupepele bu mapuapua.

Misambu 68:33

Nuenu bakalenga ba pa buloba, imbilayi Mvidi Mukulu misambu, tumbishayi Maweja-Nangila.

Genese 7:11

Matuku dikumi ne muanda mutekete a ngondu muibidi, Nowa mumane kukumbaja bidimu nkama isambombu, mayi onsu avua muinshi mua buloba kupatukawu ne bukole miaba mishilangane, bibi bionsu bia mulu ku-nzulukabi.

Genese 1:6

Dituku dibidi Mvidi Mukulu kuamba ne: “Tshibuashibuashi tshienzeke munkatshi mua mayi, bua kupandulula mayi adi muinshi ne adi mulu!”

2 Kulondolola 2:5

Muntu nansha umue kena mua kumuashila nzubu to, bualu diulu, nansha diodi dialabale, ndikese bualu buende. Meme tshiena mua kuamba ne: ndi ngashila Maweja-Nangila nzubu to. Kadi ndi ngasa muaba wa ditendelela, udibu mua kumulambula milambu.

Misambu 69:35

Diulu ne buloba, tumbishayi Mvidi Mukulu. Mayi manene ne bionsu bidimu, musamunayi.