Misambu 146:8 - MUKANDA WA MYIDI MUKULU

⁸ Maweja-Nangila udi utabaja mpofu, ubandulula badi biname, munange badi bamulamata.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa udi utabasha mesu a bafofo; Yehowa udi ubisha bantu badi biname hanshi; Yehowa udi unanga bantu bakane.

Misambu 146:8 交叉引用

Misambu 11:7

Bualu Maweja-Nangila udi muena buakane, udi unanga bantu badi benza bimpe. Bantu badi bamulamata, nebasombe pabuipi nende.

Misambu 145:14

Udi wimanyika bantu bonsu badi badishinda, ukankamika bonsu badi batekete.

Matayi 9:30

Mesu abu kutabala. Yezu kubakandika ne diyi dikole ne: — Telejayi bimpe: muntu kamanyi bualu ebu to.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Efeze 1:18

Ndi ndomba Mvidi Mukulu bua atokeshe lungenyi luenu, bua numanye tshinudi mua kutekemena kudi Mvidi Mukulu, bu mudiye munubikidile. Nanku nenumanye biuma bilenga bidiye mulamine bantu bende.

2 Korente 7:6

Kadi Mvidi Mukulu udi usamba badi batekete mu maboku, kutukolesha ku muoyi diba divua Tite mufike.

Yowanane 16:27

Bualu Tatu yeye nkayende udi mununange. Udi mununange, bualu nudi bannange, bitabe kabidi ne: ndi mufume kudi Mvidi Mukulu.

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Yeshaya 35:5

Diba adi, mesu a bampofu neatabale, amone bimpe, matshi a bena mapapa, neunwue biakane.

Yeshaya 42:16

Kadi nendudike bantu banyi, batshivua bashale bampofu, mu njila udibu katshia kabayi bayile. Nenkudimune miidima, yenze munya, bua bantu bende bimpe. Ndi ndandakaja miaba idi biina. Ke bindi musue kuenza. Nembikumbaje, tshiyi ndekela.

Misambu 147:6

Maweja-Nangila udi ubandisha bapuekele, kadi upuekesha bantu babi too ne mu buloba.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

Yeshaya 42:18

Nuenu bena mapapa, telejayi bimpe. Nuenu bampofu, tangilayi.