Misambu 136:26 - MUKANDA WA MYIDI MUKULU

²⁶ Tuelayi Mvidi Mukulu wa mu diulu tuasakidila, bualu dinanga diende ndia kashidi!

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Sakidilai Nzambi wa mu diulu, bua luse luandi ludi lujalame tshiendelele.

Misambu 136:26 交叉引用

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Nehemya 1:4

Meme mumane kumvua bionsu abi, ke meme kusomba bua kudila muadi. Meme kushala ne kanyinganyinga matuku a bungi, tshiyi ndia tshintu to. Meme kutendelela Mvidi Mukulu wa mu diulu,

Misambu 123:1

Musambu wa bena ngendu. Mesu anyi mmatangile kuudi, wewe Maweja-Nangila udi musombe pa kuasa wa bumfumu mu diulu.

Misambu 115:3

Mvidi Mukulu wetu udi mu diulu, udi wenza bionsu bidiye musue.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Danyele 2:18

Kubambilaye bua balombe luse kudi Mvidi Mukulu wa mu diulu, abamanyishe tshilota tshisokome atshi, bua kabavu kubashipa pamue ne bena meji bakuabu ba mu Babilone.